Pra heta Alaksandr Łukašenka zajaviŭ siońnia ŭ čas sustrečy sa studentami hrodzienskich VNU.
«Jość jašče tema, jakaja patrabuje ŭvahi dziaržavy, i jana niepakoić — heta imknieńnie maładych ludziej atrymać vyšejšuju adukacyju za miažoj», — skazaŭ Łukašenka.
Pavodle słoŭ Łukašenki, hetaje pytańnie tryvožyć navat nie tolki z taho punktu hledžańnia, što ludzi chočuć vučycca za miažoj. «Horš, kali talenavityja maładyja ludzi, pa-pieršaje, źjeduć za miažu, atrymaŭšy adukacyju tut, a pa-druhoje, kali jany tam atrymajuć adukacyju i tam zastanucca, — rastłumačyŭ jon. — Ja vas nie ahituju za toje, kab vy niekudy to jechali ci nie jechali. Kali vy ŭžo zadumali, to, napeŭna, pajedziecie abo atrymajecie tut adukacyju i budziecie tam pracavać. Heta vaša sprava. Ale maja vam parada - nie śpiašajciesia, spačatku raźbiaryciesia, dzie vam lepš».
Kiraŭnik dziaržavy kanstatavaŭ, što patrapić u vyšejšy ešałon hramadstva za miažoj niemahčyma. «Vy zaŭsiody budziecie tam čužymi ludźmi, druhoha hatunku, — padkreśliŭ Alaksandr Łukašenka. — Dźvie tysiačy čałaviek, jakija atrymlivajuć tam adukacyju, i, moža, pałova ź ich zastajecca, - heta nie prablema dla dziaržavy. Ale ŭsio roŭna ja jak prezident chacieŭ by, kab našy maładyja ludzi atrymlivali adukacyju i pracavali tut».
Kamientary