Dziaržaŭny departamient ZŠA ličyć Ukrainu, Hruziju i Biełaruś «nadziejnym bastyjonam suprać rasiejskaha nieaimpieryjalizmu». Pra heta zajaviŭ pamočnik dziaržsakratara pa pytańniach Jeŭropy i Jeŭrazii Ues Mitčeł. Videazapis jaho vystupu apublikavany ŭ tvitary.
Mitchell: “Third, America will respect the national independence & sovereignty of our allies…
America has a long tradition of supporting the right of nations to choose their own destiny.”#ACEurasia pic.twitter.com/diyJjSIvdn
«Siońnia nacyjanalny suvierenitet i terytaryjalnaja cełasnaść pryhraničnych dziaržaŭ, takich jak Ukraina, Hruzija i navat Biełaruś, źjaŭlajucca tym nadziejnym bastyjonam, jaki abaraniaje ad rasiejskaha nieaimpieryjalizmu», — pierakanany Mitčeł.
Jon adznačyŭ, što ZŠA chočuć bačyć krainy Centralnaj i Uschodniaj Jeŭropy mocnymi sajuźnikami i partniorami i buduć zmahacca za ŭpłyŭ u rehijonie dypłamatyčnymi i ekanamičnymi mietadami.
«Hieapalityčnaje supiernictva vostra adčuvajecca ŭ Centralnaj i Uschodniaj Jeŭropie. Ad Bałtyjskaha da Adryjatyčnaha moraŭ, ad Bałkanskaha paŭvostrava da Kaŭkaza supierniki Amieryki pašyrajuć svoj palityčny, vajenny i ekanamičny ŭpłyŭ», — zajaviŭ jon pra dziejańni Rasii ŭ rehijonie.
Jašče adnym supiernikam ZŠA ličyć Kitaj, jaki vykarystoŭvaje ŭ Jeŭropie «dypłamatyju pazykovaj knihi». Hetaja taktyka — «niesumlenny handal, u tym liku kradziež intelektualnaj ułasnaści, ekanamičny špijanaž i dempinh».
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary