Prablema hvałtu nad žančynami razrasłasia da maštabaŭ epidemii, —zajaŭlajuć u AAN.
Jak minimum kožnuju treciuju žančynu ŭ śviecie choć raz u žyćci źbivali, prymušali da intymnaj suviazi albo inšym čynam prynižali. Pry hetym u roli hvałtaŭnika, jak praviła, akazvajecca znajomy mužčyna. Siarod žančyn va ŭzroście ad 15 da 44 hadoŭ hvałt — samaja raspaŭsiudžanaja pryčyna śmierci i invalidnaści. Pavodle praviedzienaha Suśvietnym Bankam daśledavańnia, siarod 10 faktaraŭ ryzyki, vyznačanych dla hetaj katehoryi žančyn, zhvałtavańni i pobytavy hvałt apynulisia pavodle rejtynhu vyšej za rak, vojny i malaryju.
Zhodna z dadzienymi Suśvietnaj arhanizacyi achovy zdaroŭja, bolš za pałovu žančyn Banhładeš, Peru, Tanzanii i Etyjopii pryznalisia, što zaznajuć fizyčny albo seksualny hvałt z boku blizkaha čałavieka, a ŭ sielskich rajonach Etyjopii hety pakazčyk dasiahaje 71 pracenta. Nie abyšła hetaja prablema i zachodnija krainy — u Vialikaj Brytanii hety pakaźnik skłaŭ 30 pracentaŭ, u ZŠA — 22. Razam z tym, pavodle apytańniaŭ žančyn u 10 roznych krainach, ad 55 da 95 pracentaŭ žančyn, jakija zaznali fizyčny hvałt ad mužoŭ ci paluboŭnikaŭ, nikoli nie źviartalisia pa dapamohu ni ŭ palicyju, ni ŭ hramadzkija arhanizacyi.
U Biełarusi aficyjnyja spravazdačy Ministerstva ŭnutranych spravaŭ štodnia rehistrujuć kala 200 paviedamleńniaŭ pra siamiejnyja kanflikty. Pa‑za papierami i zajavami zastajecca nieviadoma kolki tych, chto nie žadaje źviazvacca ź milicyjaj.
Pavodle infarmacyi mižnarodnaj pravaabarončaj arhanizacyi «Amnesty International», štohod kala troch tysiač biełaruskich žančyn ciarpiać ad hvałtu ŭ siamji.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary