U Słucku zrujnavali staraśviecki budynak, niahledziačy na pratesty žycharoŭ horada i słavutych vychadcaŭ ź jaho
Siońnia ranicaj, 22 kastryčnika, u Słucku na terytoryi za centralnaj poštaj i filijałam «Biełtelekama» zrujnavali staradaŭni dvuchpaviarchovy budynak. Nie dapamahła pietycyja, stvoranaja aktyvistami, a taksama pachod aktyvistaŭ da miascovych uładaŭ i publikacyi ŭ ŚMI. Pa dakumientach budynak byŭ datavany 1946 hodam, adnak słuckija historyki śćviardžajuć, što dom pabudavany ŭ XIX stahodździ.
Słuckija krajaznaŭcy kažuć, što budynak pabudavany ŭ styli «cahlanaj architektury», raspaŭsiudžanaj u kancy XIX — pačatku XX stahodździa. Pry jaho budaŭnictvie vykarystoŭvali cehłu z nadpisam «Bieźviarchovičy». Ich vypuskali ŭ vakolicach Słucka da 1930-ch hadoŭ.
Budynak vyrašyli znosić, bo jon znachodzicca ŭ «avaryjnym stanie», a ramantavać jaho doraha. Plus da ŭsiaho jon nie maje aficyjnaha statusu pomnika architektury i pa dakumientach pabudavany ŭ 1946 hodzie.
Dvuchpaviarchovy dom płanavali biazvypłatna pieradać horadu, ale «dźvie praviedzienyja ekśpiertyzy paćvierdzili jaho avaryjnaść i nieabchodnaść vialikich hrašovych układańniaŭ dla jaho adnaŭleńnia».
Ludzi sprabavali supraćstajać znosu doma, kab horad nie zhubiŭ adno ź niamnohich i jaŭnych śviedčańniaŭ svajoj daŭniny. Voś što pisaŭ, da prykładu, Ilja Silčukoŭ, zorka opiery:
Jany byli hatovyja dapamahčy znajści inviestaraŭ dla ramontu budynka. Paśla adnaŭleńnia jaho možna było vykarystoŭvać jak kulturnuju placoŭku.
Adnak ranicaj 22 kastryčnika Słuck, jaki maje bolš čym 900-hadovuju historyju, pazbaviŭsia adnaho ź niešmatlikich starych budynkaŭ. Ciapier horad praktyčna całkam składajecca z savieckaj zabudovy. Pryčym častku svajho abličča jon straciŭ nie tolki ŭ Druhoj suśvietnaj vajnie, ale i ŭ mirny čas.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary