Da kanca hodu arhanizatary festyvalu źbirajucca abmierkavać ideju praviadzieńnia takoha kancertu ź biełaruskim bokam. Pa słovach pasła Litvy ŭ Biełarusi Edminasa Bahdonasa, jaho biełaruski kaleha Ŭładzimier Dražyn «pazytyŭna vykazaŭsia pra naša žadańnie».
Arhanizatary bujniejšaha bałtyjskaha festyvalu rok-muzyki Be2gether majuć namier pravieści nastupny fest pa abodva baki litoŭska-biełaruskaj miažy, paviedamiŭ zasnavalnik i hieneralny pradusar Be2gether Hiendrus Klimkiavičus.
«My chočam, kab žychary abiedźviuch krainaŭ mahli ŭ roŭnaj stupieni atrymać asałodu ad muzyki, bo sam lozunh festyvalu hučyć: «Muzyka adčyniaje miežy», — raspavioŭ Hiendrus Klimkiavičus.
Pa słovach pasła Litvy ŭ Biełarusi Edminasa Bahdonasa, adnu scenu miarkujecca raźmiaścić na terytoryi Litvy, a druhuju — u Biełarusi. «Takim čynam, my planujem z dapamohaj muzyki adčynić miežy pamiž dźviuma krainami, bo našyja narody jadnaje viekavaja historyja», — adnačyŭ Bahdonas.
Da kanca hodu arhanizatary festyvalu źbirajucca abmierkavać ideju praviadzieńnia takoha kancertu ź biełaruskim bokam. Edminas Bahdonas paviedamiŭ, što jahony biełaruski kaleha Ŭładzimier Dražyn «pazytyŭna vykazaŭsia pra naša žadańnie».
Upieršyniu festyval Be2gether adbyŭsia ŭ žniŭni 2007 hodu pobač sa staražytnym zamkam u Narviliškach. Na im vystupili kala 30 hurtoŭ samych roznych nakirunkaŭ i stylaŭ ź dziesiatka krainaŭ. Sioleta fest sabraŭ bolš za 70 kalektyvaŭ, jon adbyvaŭsia ŭ ramkach prahramy «Vilnia — kulturnaja stalica Eŭropy 2009».
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni34
Kamientary