Žanich Julii Skrypal, atručanaj razam z baćkam, byłym supracoŭnikam HRU Siarhiejem Skrypalom, moh być źviazany sa śpiecsłužbami. Pra heta paviedamlaje tabłoid Mirror sa spasyłkaj na znajomych žančyny.
Pavodle źviestak vydańnia, Julija pražyvała ŭ zdymnaj kvatery ŭ Maskvie z mužčynam, jakoha zvali Ściapan Vikiejeŭ, a paśla atručvańnia ŭ Vialikabrytanii jaje žanich biasśledna źnik. Mirror piša, što mužčyna pracavaŭ pad kiraŭnictvam svajoj maci ŭ Instytucie sučasnych prablem biaśpieki, jaki nibyta ličycca «nieadjemnaj častkaj» FSB. Pa słovach adnaho ź siabroŭ Julii, z času atručvańnia nichto jaho nie bačyŭ.
Znajomyja žančyny ličać, što jaje žanich moh z samaha pačatku być prynadaj, tamu ciapier «jaho baronić FSB ŭ schovancy, dzie jaho nichto nie znojdzie». Pavodle inšaj viersii, «schavać» mužčynu mahła jaho zamožnaja maci: žančyna zaŭsiody była suprać jaho adnosin sa Skrypal i prosta vyrašyła zładzić jamu novaje žyćcio.
Susiedzi taksama ličyli adnosiny pary dziŭnymi: u maładych ludziej byli dźvie sabaki, adnak razam jany ich nikoli nie vyhulvali.
Akramia taho, tabłoid piša, što paśla atručvańnia haspadar užo paśpieŭ zdać žytło Julii inšym arandataram, rečy žančyny vyvieźli, adnak jaje mašyna ŭsio jašče staić u dvary.
U krasaviku plamieńnica byłoha špijona Viktoryja Skrypal taksama vykazvała zaniepakojenaść z-za bojfrenda Julii. Jana raspaviadała, što ličyć jaho dziŭnym, a z momantu atručvańnia jon nie azvaŭsia nivodnaha razu.
Siarhiej i Julija Skrypali byli atručanyja ŭ sakaviku ŭ brytanskim Sołśbiery. U tym, što adbyłosia ułady Vialikabrytanii abvinavacili rasiejskija ŭłady. Paźniej byli nazvany imiony mierkavanych atrutnikaŭ - imi vyjavilisia niejkija Alaksandr Piatroŭ i Rusłan Bašyraŭ. Maskva ŭsio abvinavačvańni ŭ dačynieńni admaŭlaje.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam17
Kamientary