Za parušeńni ŭ arhanizacyi charčavańnia studentaŭ pryciahnuty da adkaznaści 16 rektaraŭ biełaruskich VNU. Takaja infarmacyja apublikavanaja ŭ vieraśniovym numary časopisa «Dziaržaŭny kantrol: analiz, praktyka, kamientaryi».
U krasaviku KDK staranna vyvučyŭ usie niuansy arhanizacyi charčavańnia va ŭstanovach vyšejšaj adukacyi krainy, vyjaviŭ mnostva parušeńniaŭ i nakiravaŭ 46 rekamiendacyj pa ich likvidacyi. A ŭ červieni znoŭ praanalizavaŭ situacyju, kab pravieryć, nakolki sumlenna była vykananaja praca nad pamyłkami.
Na dumku hałoŭnaha śpiecyjalista ŭpraŭleńnia kantrolu spažyvieckaha rynku, śfiery pasłuh i za abarotam padakcyznych tavaraŭ Kamiteta dziaržkantrolu Taćciany Samochinaj, vyjaŭlenyja parušeńni pakazvali na toje, što kiraŭnictva navučalnych ustanoŭ samaŭchiliłasia ad kantrolu za arhanizacyjaj charčavańnia studentaŭ, a sistema ahulnaha charčavańnia tolki zabiaśpiečvała svaje vuzkaviedamasnyja intaresy, nie kłapociačysia pra jakaści pasłuh. «Usiaho za dapuščanyja parušeńni zvolnienyja 9 rabotnikaŭ hramadskaha charčavańnia, da dyscyplinarnaj adkaznaści pryciahnuty 114 čałaviek, u tym liku 9 prarektaraŭ i 16 rektaraŭ VNU (paŭtorna pakaranyja rektary Bresckaha dziaržaŭnaha ŭniviersiteta imia Puškina, Biełaruskaha dziaržaŭnaha technałahičnaha univiersiteta, Baranavickaha dziaržaŭnaha univiersiteta)», - adznačyła jana.
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20263
Kamientary