Zdareńnie adbyłosia 5 listapada ŭ 10:00, paviedamlaje milicyja Mahiloŭskaj vobłaści.
49-hadovaja žycharka Mahilova na «Reno» na 16-m km aŭtadarohi Minsk — Mahiloŭ (na padjeździe da Białyničaŭ) źjechała na pravuju abočynu, paśla čaho aŭtamabil zaniesła, žančyna straciła kantrol nad kiravańniem, aŭtamabil vyjechaŭ na pałasu sustrečnaha ruchu, dzie sutyknuŭsia z «Falksvahienam», za rulom jakoha byŭ 25-hadovy mužčyna.
U vyniku DTZ paciarpieła kiroŭca «Reno», a taksama kiroŭca «Falksvahiena» i jaho małyja pasažyry — dziaŭčynki 4-ch hadoŭ i 10-ci miesiacaŭ, jany špitalizavany.
U momant avaryi 4-hadovaje dzicia było ŭ admysłovym prystasavańni i pryšpilena (kresła ŭstanoŭlena na zadnim siadzieńni za kiroŭcam), a voś 10-miesiačnuju małuju mama pieravoziła, trymajučy na rukach, znachodziačysia na zadnim siadzieńni (žančyna nie paciarpieła).
Ciapier čytajuć
Zahinuŭ biełaruski dobraachvotnik Vasil «Dzir» Rapicki10
Kamientary