Hałoŭny redaktar rasijskaha časopisa «Nacionalnaja oborona» Ihar Karotčanka prakamientavaŭ zajavu Alaksandra Łukašenki pra adsutnaść nieabchodnaści ŭ stvareńni rasijskaj vajskovaj bazy na terytoryi Biełarusi. Karotčanka zhodny z tym, što pytańnie raźmiaščeńnia bazy nie źjaŭlajecca aktualnym.
Redaktar upeŭnieny, što hetaja zajava Łukašenki źviazana ź ciapierašniaj situacyjaj, jakaja składvajecca ŭzdoŭž zachodnich miežaŭ Biełarusi.
«Kali ž u Polščy źjavicca «fort Tramp», heta značyć paŭnavartasnaja amierykanskaja vajskovaja baza, kali budzie praciahvacca raźmiaščeńnie ŭdarnych kampanientaŭ u tym liku VPS NATA ŭ krainach Bałtyi i Polščy, kali budzie praciahvacca ŭzmocnienaja militaryzacyja rehijona, to hetaja zajava moža być skarektavana z ulikam novych ryzyk», — piša Karotčanka.
Pytańnie pra rasijskuju vajskovuju bazu ŭ Biełarusi znoŭ moža stać aktualnym pa miery paharšeńnia stanovišča.
«Ja dumaju, što hetaje pytańnie nie zakrytaje, a adkładzienaje, i ŭ śviatle ahresiŭnaj palityki NATA moža stać aktualnym u najbližejšy čas»,
— ličyć redaktar «Nacyjanalnaj abarony».
Karotčanka ličyć, što pytańnie rasijskaj vajskovaj prysutnaści ŭ Biełarusi ŭ farmacie paŭnavartasnaj vajskovaj bazy moža znoŭ stać aktualnym u 2019-2020 hodzie.
Kamientary