Samaje hučnaje zabojstva apošniaha miesiaca ŭ Rasii — trahiedyja, jakaja razyhrałasia 6 listapada ŭ adnoj z kvater Maskvy. Telehram-kanał Mash vyśvietliŭ padrabiaznaści.
7 listapada ŭ Maskvie ŭ kvatery na vulicy Sofji Kavaleŭskaj znajšli cieła mamy z synam - 35-hadovaj Kaciaryny i 12-hadovaha Sašy Śmirnovych. Ich zabivali vielmi žorstka: na ciele — ślady ad udaraŭ i šmatlikija nažavyja ranieńni. Praz dva dni zatrymali hałoŭnaha padazravanaha — 30-hadovaha Dźmitryja Batyhina. Jon adrazu pryznaŭsia ŭ zabojstvie, zajaviŭ, što zrabiŭ heta pa zamovie svajakoŭ zabitych, i raspavioŭ paru detalaŭ — žachlivych.
Zaviazka
Kaciaryna z synam žyli va Uładzimirskaj vobłaści. Pakul adzinokaja žančyna nie sustreła vajskoŭca za 50 i nie zakachałasia.
Vadzim Śmirnoŭ adkazaŭ joj tym samym: ažaniŭsia, usynaviŭ i vyhadavaŭ chłopčyka jak svajho. Paśla viasiella siamja pasialiłasia ŭ jaho kvatery ŭ Maskvie — toj samaj, na vulicy Sofji Kavaleŭskaj.
Hod tamu Vadzim pamior ad infarktu, Kacia z Sašam zastalisia adny. Ale prystojny vajskoviec pakłapaciŭsia pra siamju — praz paŭhoda na sustrečy z nataryusam Śmirnova daviedałasia, što muž pakinuŭ im u spadčynu mašynu i pałovu kvatery. Vysakarodnaść nie acanili jaho mama i starejšaja siastra Lizavieta. Jany chacieli padzialić ŭsio «pa-sumlennamu», a nie jak u zaviaščańni, heta značyć, jany chacieli ŭsio.
Kaciaryna viartacca va Uładzimir nie źbirałasia, i siastra padała ŭ sud. Spravu prajhrała, padstavaŭ asprečvać rašeńnie niabožčyka nie było — pa zakonie.
Ale ŭ niejki momant Kaciarynie abrydli pastajannyja zvanki i pahrozy. Jana prapanavała apłacić siastry pamierłaha muža ich z maci dolu (kala $45 tysiač), pradać mašynu i padzialić hrošy napałam. Ale było pozna — Lizavieta ŭžo raspracoŭvała płan.
Pa dadzienych krynic u SK, heta zaniało try miesiacy. Siastra niabožčyka znajšła ŭ internecie prostaha chłopca Dzimu ź niekalkimi ciažkimi sudzimaściami i zamoviła jamu niaviestku za 300 tysiač rubloŭ. Atrymać hrošy jon pavinien byŭ paśla taho, jak skončyć spravu, a jana — ustupić u spadčynu.
Płan
Lizavieta i Dzima znajšli staronku Śmirnovaj na sajcie znajomstvaŭ. Zarehistravali fejkavy rachunak nieisnujučaha 50-hadovaha vajskoŭca, pastavili na avatar fota ŭ formie.
Kiler pierapisvaŭsia sa svajoj budučaj achviaraj miesiac, raspaviadaŭ, što ŭ kamandziroŭcy, chutka pryjedzie i jany sustrenucca. Praź miesiac jany sustrelisia, ale Śmirnova ubačyła nie vajskoŭca, a kryminalnika. Ale znosiny ź im praciahnuła — paškadavała. Navat zaprasiła ŭ hości, dzie jon ahledzieŭsia i paznajomiŭsia z synam Kaciaryny.
Pa płanie siastry, 12-hadovy Saša pavinien byŭ zastacca ŭ žyvych. Jana źbirałasia jaho ŭsynavić i jak zakonny apiakun atrymać pravy na majomaść. A bližej da paŭnalećcia Sašy jana b niešta prydumała.
6 listapada
Praź niekalki dzion Batyhin pryjšoŭ da Kaciaryny ŭ druhi raz i zastaŭsia na noč. Kali ŭsie lahli spać — ustaŭ i pačaŭ zabivać. Žančyna akazałasia macniejšaj, čym jon čakaŭ, i supraciŭlałasia da apošniaha. Praz šum pračnuŭsia Saša — jon sprabavaŭ dapamahčy mamie, ale zabojca raspraviŭsia i ź im.
Paśla hetaha Batyhin pieraciahnuŭ cieła miortvych mamy z synam na kuchniu i spałasavaŭ ich nažom.
Dva dni paśla
Pa słovach susiedziaŭ (jany byli paniatymi) zabojca spakojna sabraŭ usio, što drenna lažyć: futra, švedry, techniku i navat zubnuju pastu. Pieraapranuŭsia ŭ vopratku pamierłaha Vadzima (sapraŭdnaha vajskoŭca), a svaje skryvaŭlenyja rečy pakinuŭ u kvatery. Uklučyŭ haz u nadziei na vybuch, uziaŭ u ruki dźvie valizki i pajšoŭ.
Zaloh na dno Batyhin kala inšaj novaj znajomaj — ź joj jon taksama pierapisvaŭsia ŭ internecie. Lizaviecie adspravazdačyŭsia: zakaz vykanany, ale ŭsio pajšło nie pa płanie.
Jaho znajšli śpiecsłužby — z dapamohaj śpiectechniki pa bilinhu. Hetyja dva dni jon vyrašaŭ, jak ža ź im budzie raspłačvacca zamoŭca.
Ciapier kvatera ŭ Maskvie i mašyna, jakuju tak žadała atrymać siastra, pa zaviaščańni piarojduć maci Kaciaryny Śmirnovaj.
Lizavietu dapytvajuć śledčyja. Jana admaŭlaje słovy Batyhina, pastajanna prosić zakuryć. Śledčyja ŭžo zabrali jaje kampjutar i vyvučajuć pierapiski z kileram.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj89
Kamientary