Heta pytańnie stanie adnoj z hałoŭnych temaŭ, jakija abmiarkujuć biełaruskija studenty na finalnych debatach «DysKUT», što adbuducca ŭžo ŭ hetuju sieradu, 14 listapada, u minskim biznes-kłubie Imaguru. Druhoj klučavoj temaj budzie pytańnie finansavańnia BRSM i inšych moładzievych arhanizacyj.
Zapisacca na debaty — uvachod biaspłatny pa papiaredniaj rehistracyi.
Debatny kłub «DysKUT» — sumiesnaja inicyjatyva moładzievych arhanizacyj i supolnaściaŭ dla papularyzacyi publičnych dyskusij na vostrasacyjalnyja temy ŭ śfierach kultury, palityki i hramadstva. U debatach biaruć udzieł dźvie kamandy z dvuch čałaviek, jakija ŭ hulniavoj formie farmulujuć pazicyju «za» ci «suprać» pa zajaŭlenaj temie.
U pieršym siezonie ŭžo adbyłosia 15 raŭndaŭ — z ulikam adboračnych turaŭ, čverć- i paŭfinałaŭ. 14 listapada a 18:30 projdzie finał i sustreča za treciaje miesca.
Spačatku dyskutanty buduć adstojvać supraćlehłyja pazicyi pa temie «Ci pavinna Biełaruś uvachodzić u vajskova-palityčnyja sajuzy?».
Paśla, a 20-j hadzinie, pačniecca abmierkavańnie pra finansavańnie BRSM i inšych moładzievych dy studenckich arhanizacyj za miažoj. Udzielniki dyskusii buduć šukać adkaz na pytańnie, ci isnuje pahroza dla moładzievaj palityki i studenckaha ruchu. Pieramožca debataŭ pa hetaj temie zojmie treciaje miesca.
Abirać pieramožcaŭ budzie žury, u skład jakoha ŭvachodziać ekanamist Siarhiej Čały, kulturołah i vykładčyk Maksim Žbankoŭ, a taksama juryst-mižnarodnik, vykładčyca ECLAB dy FMA BDU Kaciaryna Kuźniacova.
Prahałasavać zmohuć taksama i ŭsie achvotnyja, bo za debatami možna budzie nazirać praz strymy ŭ sacyjalnych sietkach:
Patrapić na sami debaty možna absalutna biaspłatna, ale pa papiarednim zapisie. Usio adbudziecca tut: Imaguru, Biznes-Kłub/Startup Hub (Minsk, vuł. Fabrycyusa 4). Startujem u 18:30!
Partniory i suarhanizatary debatnaha kłuba: Zadzinočańnie Biełaruskich Studentaŭ (ZBS), Jeŭrapiejski kaledž Liberal Arts u Biełarusi, Art-Siadziba, Youth Labour Rights, Biełaruski nacyjanalny moładzievy saviet «RADA», Braterstva Arhanizataraŭ Studenckaha Samakiravańnia (BOSS), Hramadski ruch «Dzieja», Kursy anhlijskaj Liorn, Human Constanta, Arhkamitet stypiendyi imia Arkadzia Smoliča i Press Club Biełaruś.
Kamientary