Гэта пытанне стане адной з галоўных тэмаў, якія абмяркуюць беларускія студэнты на фінальных дэбатах «ДысКУТ», што адбудуцца ўжо ў гэтую сераду, 14 лістапада, у мінскім бізнэс-клубе Imaguru. Другой ключавой тэмай будзе пытанне фінансавання БРСМ і іншых моладзевых арганізацый.
Запісацца на дэбаты — уваход бясплатны па папярэдняй рэгістрацыі.
Дэбатны клуб «ДысКУТ» — сумесная ініцыятыва моладзевых арганізацый і супольнасцяў для папулярызацыі публічных дыскусій на вострасацыяльныя тэмы ў сферах культуры, палітыкі і грамадства. У дэбатах бяруць удзел дзве каманды з двух чалавек, якія ў гульнявой форме фармулююць пазіцыю «за» ці «супраць» па заяўленай тэме.
У першым сезоне ўжо адбылося 15 раўндаў — з улікам адборачных тураў, чвэрць- і паўфіналаў. 14 лістапада а 18:30 пройдзе фінал і сустрэча за трэцяе месца.
Спачатку дыскутанты будуць адстойваць супрацьлеглыя пазіцыі па тэме «Ці павінна Беларусь уваходзіць у вайскова-палітычныя саюзы?».
Пасля, а 20-й гадзіне, пачнецца абмеркаванне пра фінансаванне БРСМ і іншых моладзевых ды студэнцкіх арганізацый за мяжой. Удзельнікі дыскусіі будуць шукаць адказ на пытанне, ці існуе пагроза для моладзевай палітыкі і студэнцкага руху. Пераможца дэбатаў па гэтай тэме зойме трэцяе месца.
Абіраць пераможцаў будзе журы, у склад якога ўваходзяць эканаміст Сяргей Чалы, культуролаг і выкладчык Максім Жбанкоў, а таксама юрыст-міжнароднік, выкладчыца ECLAB ды ФМА БДУ Кацярына Кузняцова.
Прагаласаваць змогуць таксама і ўсе ахвотныя, бо за дэбатамі можна будзе назіраць праз стрымы ў сацыяльных сетках:
Патрапіць на самі дэбаты можна абсалютна бясплатна, але па папярэднім запісе. Усё адбудзецца тут: Imaguru, Бізнэс-Клуб/Startup Hub (Мінск, вул. Фабрыцыуса 4). Стартуем у 18:30!
Партнёры і суарганізатары дэбатнага клуба: Задзіночанне Беларускіх Студэнтаў (ЗБС), Еўрапейскі каледж Liberal Arts у Беларусі, Арт-Сядзіба, Youth Labour Rights, Беларускі нацыянальны моладзевы савет «РАДА», Братэрства Арганізатараў Студэнцкага Самакіравання (БОСС), Грамадскі рух «Дзея», Курсы англійскай Lёrn, Human Constanta, Аргкамітэт стыпендыі імя Аркадзя Смоліча і Press Club Беларусь.
Чытайце таксама: Ці трэба забараніць савецкую сімволіку ў Беларусі? Дэбатавала моладзь у «Дыскуце»
Цяпер чытаюць
Ігар Тур патраціў мінімум 30 тысяч на прэміяльную кухню ФОТА10
Каментары