Čynoŭniki pra nastaŭnicu muzyčnaj škoły bieź śviatła: My jaje nie zvalniali, a prosta pahutaryli
U adździele kultury Hrodzienskaha rajvykankama prakamientavali Tut.by situacyju z muzyčnaj škołaj bieź śviatła ŭ Padłabieńni. Čynoŭniki zapeŭnivajuć: ciapier dzieci zajmajucca ŭ pamiaškańni miascovaj biblijateki, a piedahoh, jakaja raskazała ab prablemie z elektryčnaściu ŭ muzyčnaj škole, praciahvaje pracavać.
Čytajcie taksama: Piedahohu z-pad Hrodna, jakaja raskazała pra muzyčnuju škołu bieź śviatła, pryjšłosia zvolnicca
Sfatahrafavała, jak prachodziać zaniatki ŭ ciemry, nastaŭnik pa salfiedžya Alena — i pieradała zdymki svaim znajomym. Tak fatahrafii źjavilisia ŭ internecie. Ranicaj 15 listapada piedahoha, pa jaje słovach, paprasili napisać zajavu ab zvalnieńni pa ŭłasnym žadańni.
Siońnia ž zaniatki stali prachodzić u biblijatecy — i ŭžo pry elektryčnaści.
«15 listapada hetaha piedahoha zaprasili na radu adździeła kultury, dzie jana patłumačyła ŭ piśmovaj formie svaje pavodziny z nahody fotazdymka, zroblenaha joju ŭ viačerni čas sutak. Ciapier vyrašajecca ab pryciahnieńni da adkaznaści vinavatych asob. Na hety momant nastaŭnik praciahvaje pracavać i vieści zaniatki ŭ pamiaškańni sielskaj biblijateki», — havorycca ŭ aficyjnym adkazie adździeła kultury Hrodzienskaha rajvykankama partału Tut.by.
U adździele kultury rajvykankama ŭ asabistaj hutarcy kažuć, što nastaŭnik praciahvaje pracavać u muzyčnaj škole, a ź joj była «tolki praviedziena hutarka».
— Zvalniać piedahoha nichto nie źbirajecca. Na jaje nichto nie cisnuŭ. My prosta rastłumačvali situacyju, — kaža hałoŭny śpiecyjalist adździeła Aksana Hryncevič.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary