Duchmianaja smakata, da taho ž vielmi sytnaja — toje što treba ŭ chałodny siezon.
Jak tolki tempieratura nabližajecca da nula i ź nieba pačynaje sypać ni to doždž, ni to śnieh, u mianie źjaŭlajecca mocnaje žadańnie zalehčy ŭ śpiačku. Ale zrazumieła, što važnyja spravy sami siabie nie zrobiać, i schavacca ad abaviazkaŭ pad koŭdraj nie ŭdasca. Jość varyjant minimizavać svaje vysiłki chacia b na kuchni: hatavać prostyja, ale smačnyja stravy, jakija nie patrabujuć šmat dziejańniaŭ. Siońnia ja prapanuju vam varyjant stravy «usio ŭ adnoj kastruli»: tut i miasa, i hryby, i fasola. U vyniku atrymajem duchmianuju smakatu, da taho ž vielmi sytnuju — toje što treba ŭ chałodny siezon.
Na frykadelki:
- 3 łusty batonu;
- 500 h jałavičyny;
- 300 h śvininy;
- 2 zubčyki časnaku;
- niekalki halinak piatruški;
- 2 jajki;
- 2 st. ł. muki;
- alej dla smažańnia.
Miasa prakručvajem na farš (ci adrazu kuplajem hatovy). Baton zamočvajem u ciopłym małace ci vadzie na 5 chvilin. Časnok i piatrušku drobna narazajem, dadajom da miasa. Źmiešvajem miasa, adcisnuty baton, jajki, časnok i piatrušku, dobra pieramiešvajem.
Hrejem alej na patelni. Farmujem frykadelki, abvalvajem ich u muce i smažym na patelni da załatoha koleru z kožnaha boku. Pierakładajem na papiarovy ručnik, kab syšoŭ lišni alej.
Dalej budziem źmiešvać nastupnyja inhredyjenty:
- 1 cybulina;
- 1 st. ł. muki;
- 2 łaŭrovyja listy;
- 2 hałoŭki hvaździki;
- 1 č. ł. vendžanaj papryki;
- 3 st. ł vocatu z čyrvonaha vina;
- 100 mł čyrvonaha vina;
- 120 h zialonych alivak biez kostak;
- 30 h sušanych hryboŭ;
- 150 mł tamatnaha soku;
- sol, pierac, muskatny arech;
- 1 słoik kansiervavanaj biełaj fasoli;
- alej dla smažańnia.
Hryby zalivajem 500 mł ciopłaj vady. Tym časam drobna narazajem cybulu. U rondali hrejem 2 st. ł. aleju, vykładajem tudy cybulu, łaŭrovy list, hvaździku, papryku i smažym da prazrystaści cybuli. Dadajom łyžku muki i smažym jašče dźvie chvilinki. Hryby narazajem, vadu z-pad hryboŭ zachoŭvajem. Ulivajem da cybuli vocat, vino, tamatny sok, vadu z-pad hryboŭ, dadajom hryby i aliŭki. Čakajem, pakul sous zakipić, i akuratna vykładajem da jaho našyja frykadelki. Źmianšajem ahoń, solim, pierčym, dadajom muskatny arech pa smaku, nakryvajem nakryŭkaj i tušym chvilin 40. Naprykancy dadajom kansiervavanuju fasolu, dajom razam pavarycca chvilinak 5.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary