Prezident Biełarusi Alaksandr Łukašenka pavinšavaŭ Prezidenta Łatvii Rajmandsa Viejonisa i narod hetaj krainy z nacyjanalnym śviatam — 100-hodździem abviaščeńnia Łatvijskaj Respubliki. Pra heta BIEŁTA paviedamili ŭ pres-słužbie biełaruskaha lidera.
Kiraŭnik biełaruskaj dziaržavy adznačyŭ, što dla kožnaj krainy suvierenitet źjaŭlajecca nadziejnym padmurkam dla roskvitu i raźvićcia va ŭsich abłaściach, hałoŭnym simvałam prahresu i mirnaha žyćcia. «U Biełarusi vysoka aceńvajuć dasiahnieńni Łatvii za pieryjad niezaležnaści, pavyšeńnie aŭtarytetu dziaržavy na mižnarodnaj arenie», − havorycca ŭ vinšavańni.
Prezident vykazaŭ nadzieju, što ŭzajemadavierje i pavaha, ahulnaja zacikaŭlenaść u zabieśpiačeńni stabilnaści i biaśpieki ŭ rehijonie buduć i dalej sadziejničać umacavańniu dvuchbakovych palityčnych, dziełavych i humanitarnych kantaktaŭ na karyść narodaŭ Biełarusi i Łatvii.
Alaksandr Łukašenka pažadaŭ Rajmandsu Viejonisu zdaroŭja, ščaścia i pośpiechaŭ, a hramadzianam Łatvii − miru i dabrabytu.
Kamientary