Navukoŭcy adznačajuć, što pavodle svaich ułaścivaściaŭ jaho efiekt budzie supastaŭny z najmacniejšymi sintetyčnymi rečyvami.
Amierykanskija navukoŭcy raspracoŭvajuć najmacniejšy bolesucišalny srodak, asnovaj dla jakoha moža stać samaje vostraje rečyva ŭ śviecie. Jano znachodzicca ŭ raślinie Euphorbia resinifera (smalany małačaj), što raście ŭ Maroka. Jak piša Wired, amierykanskija miedyki zrazumieli, jak vykarystoŭvać unikalnuju raślinu dla miedycynskich metaŭ.
Daśledčyki vyśvietlili, što resinifierataksin, jaki jość u raślinie, moža stać asnovaj dla efiektyŭnaha bolesucišalnaha, zdolnaha błakavać adčuvalnaść niervovych kančatkaŭ anałahična marfinu. Unikalnyja zdolnaści raślinie nadaje jaje vastrynia — jana ŭ 4,5 młn razoŭ vastrej za pierac chałapieńa. Daśledčyki ŭžo prateściravali novy preparat na sabakach z artrytam i vyśvietlili, što vykarystańnie rečyva dazvalaje paskoryć adnaŭleńnie paśla apieracyj, bo akazvaje ahulny supraćzapalenčy efiekt.
Daśledniki adznačajuć, što jaho «piakučaść» dasiahaje 16 młrd adzinak pa mižnarodnaj škale piakučaści Skoviła, heta ŭ 10 tysiač razoŭ bolš, čym samy vostry pierac «karalinski žniec». Resinifierataksin nie zabivaje ŭsie niervovyja kančatki zapar, a tolki błakuje niekatoryja receptary TRPV1, jakija adkazvajuć za bol i adčuvalnaść da traplańnia inšarodnych cieł.
Zaraz navukoŭcam treba vyśvietlić, ci možna zamiaścić resinifierataksinam inšyja bolesucišalnyja, u tym liku i apijoidy, što vykarystoŭvajuć dla ŭviadzieńnia ciažka chvorym pacyjentam z ankałohijaj. Admietnaj rysaj resinifierataksina pry sudakranańni ź niervovaj kletkaj TRPV1 źjaŭlajecca zdolnaść adkryvać admysłovy kanał, pa jakim ŭnutr dastaŭlajecca vialikaja kolkaść kalcyja, što adklučaje niervovaje zakančeńnie.
Inšyja niervovyja kletki RTX nie paškodžvaje - za košt hetaha miedyki płanujuć vykarystoŭvać jaho łakalna, pry nieabchodnaści tolki dla peŭnych orhanaŭ abo častak cieła. Adznačajecca, što nakiravanaja injekcyja takoha rečyva, naprykład u kalena chvoraha artrytam pacyjenta, moža nadoŭha adklučyć bol, zachoŭvajučy ahulnuju adčuvalnaść i zdolnaść pierasoŭvacca.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary