Навукоўцы адзначаюць, што паводле сваіх уласцівасцяў яго эфект будзе супастаўны з наймацнейшымі сінтэтычнымі рэчывамі.
Амерыканскія навукоўцы распрацоўваюць наймацнейшы болесуцішальны сродак, асновай для якога можа стаць самае вострае рэчыва ў свеце. Яно знаходзіцца ў расліне Euphorbia resinifera (смаляны малачай), што расце ў Марока. Як піша Wired, амерыканскія медыкі зразумелі, як выкарыстоўваць унікальную расліну для медыцынскіх мэтаў.
Даследчыкі высветлілі, што рэсініфератаксін, які ёсць у расліне, можа стаць асновай для эфектыўнага болесуцішальнага, здольнага блакаваць адчувальнасць нервовых канчаткаў аналагічна марфіну. Унікальныя здольнасці расліне надае яе вастрыня — яна ў 4,5 млн разоў вастрэй за перац халапеньа. Даследчыкі ўжо пратэсціравалі новы прэпарат на сабаках з артрытам і высветлілі, што выкарыстанне рэчыва дазваляе паскорыць аднаўленне пасля аперацый, бо аказвае агульны супрацьзапаленчы эфект.
Даследнікі адзначаюць, што яго «пякучасць» дасягае 16 млрд адзінак па міжнароднай шкале пякучасці Сковіла, гэта ў 10 тысяч разоў больш, чым самы востры перац «каралінскі жнец». Рэсініфератаксін не забівае ўсе нервовыя канчаткі запар, а толькі блакуе некаторыя рэцэптары TRPV1, якія адказваюць за боль і адчувальнасць да трапляння іншародных цел.
Зараз навукоўцам трэба высветліць, ці можна замясціць рэсініфератаксінам іншыя болесуцішальныя, у тым ліку і апіёіды, што выкарыстоўваюць для ўвядзення цяжка хворым пацыентам з анкалогіяй. Адметнай рысай рэсініфератаксіна пры судакрананні з нервовай клеткай TRPV1 з'яўляецца здольнасць адкрываць адмысловы канал, па якім ўнутр дастаўляецца вялікая колькасць кальцыя, што адключае нервовае заканчэнне.
Іншыя нервовыя клеткі RTX не пашкоджвае - за кошт гэтага медыкі плануюць выкарыстоўваць яго лакальна, пры неабходнасці толькі для пэўных органаў або частак цела. Адзначаецца, што накіраваная ін'екцыя такога рэчыва, напрыклад у калена хворага артрытам пацыента, можа надоўга адключыць боль, захоўваючы агульную адчувальнасць і здольнасць перасоўвацца.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза19
Каментары