Rasija praciahnie žorstka spyniać lubyja zamachi na svaju biaśpieku i suvierenitet. Pra heta havorycca ŭ zajavie MZS RF nakont incydentu z karablami VMS Ukrainy ŭ Kierčanskim pralivie, apublikavanaj na sajcie viedamstva.
«Chacieli b papiaredzić ukrainski bok, što linija, jakaja pravodzicca Kijevam u kaardynacyi z ZŠA i ES, na pravakavańnie kanfliktu z Rasijaj u akvatoryi Azoŭskaha i Čornaha moraŭ ciahnie surjoznyja nastupstvy», — padkreślili na Smalenskaj płoščy.
Akramia taho, Maskva aficyjna abvinavaciła Kijeŭ u pravakacyi. Jak pakazana ŭ zajavie, metaj hetaha kroku źjaŭlałasia stvareńnie novaha asiarodku napružanaści i padstavy dla novych antyrasijskich sankcyj, a taksama imknieńnie dziejnaj kijeŭskaj ułady adciahnuć nasielnictva ad unutrypalityčnych pytańniaŭ. «Paćviardžeńniem tamu staŭ namier Kijeva ŭvieści ŭ krainie vajennaje stanovišča, što ŭ śviatle prezidenckich vybaraŭ, što projduć viasnoj 2019 hoda, vyhladaje vielmi adyjozna», — zajavili ŭ MZS.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary