Padletka, jaki daŭ poŭchu haradavomu, apraŭdali: parušeńnia zakonu niama
Spyniena administracyjnaja sprava ŭ dačynieńni da 16-hadovaha padletka Arsienija ź Minska. Raniej milicyja skłała na jaho pratakoł za toje, što ŭdaryŭ skulpturu haradavoha kala budynka MUS. Adnak kamisija pa spravach niepaŭnaletnich vyrašyła: u jaho dziejańniach niama składu pravaparušeńnia.
Nahadajem, 16 listapada milicyja zatrymała padletka, jaki ŭdaryŭ dałońniu pa «tvary» skulpturu haradavoha. Na chłopca skłali pratakoł pa art. 17.1 KaAP (Drobnaje chulihanstva), a akramia taho zapisali na videa jaho prabačeńni pierad MUS i skulpturaj.
Siońnia hety pratakoł razhladała kamisija pa spravach niepaŭnaletnich u Administracyi Zavodskaha rajona Minska. Pra heta TUT.BY paviedamiŭ Dźmitryj, jaki prysutničaŭ tam.
Vynik: sprava spyniena «za adsutnaściu ŭ dziejańniach składu pravaparušeńnia». U asnovu takoha rašeńnia loh adkaz z harvykankama, što haradavy la MUS nie źjaŭlajecca pomnikam abo kulturna-histaryčnaj kaštoŭnaściu. Heta — skulpturnaja kampazicyja.
«Usio skončyłasia razmovaj. Arsienij paabiacaŭ, što nadalej budzie try razy dumać, pierš čym niešta zrabić. Razyšlisia ź miram. (…) Była takaja fraza, i ja pahadžusia: Arsienij dobry chłopiec, prosta niaŭrymślivy», — kaža surazmoŭca.
Rašeńnie ŭstupić u siłu na praciahu 10 dzion, kali baki jaho nie abskardziać. Pa dadzienych Dźmitryja, padletka zatrymlivali i apytvali ŭ adsutnaść zakonnaha pradstaŭnika, a dakumienty Arsienij padpisvaŭ biez darosłych, na što taksama treba źviarnuć uvahu.
«A to jak ža vychodzić, što luboje dzicia moža spynić milicyjant i napisać luby pratakoł? I mała taho — pakazać pa televizary, aburalny vypadak, jakomu taksama treba dać pravavuju acenku».
Krynicy: za imidžavy pravał z vybačeńniami pierad haradavym zvolnieny pres-sakratar MUS Hieorhij Jaŭčar
Padletak, jaki daŭ poŭchu skulptury haradavoha, prosić prabačeńnia ŭ pomnika i milicyjantaŭ VIDEA
Ciapier čytajuć
Stała viadoma, što ciapier adbyvajecca z palitviaźniem Jurasiom Ziankovičam, jakoha vyzvalili pa prośbie ZŠA5
Kamientary