Radyjo «Svaboda» vyśvietliła proźvišča čałavieka, jaki ŭčora pryvioŭ u sud nad palitviaźniem studentaŭ BATU i ŭdaryŭ maci Alaksandra Barazienki.
Radyjo «Svaboda» vyśvietliła proźvišča čałavieka, jaki ŭčora pryvioŭ u sud nad palitviaźniem studentaŭ BATU i abraziŭ maci Alaksandra Barazienki.
Heta sakratar mienskaha kamiteta Kamunistyčnaj partyi Biełarusi i
hałoŭny śpiecyjalist BRSM Centralnaha rajona Mienska Uładzimir Ciuchaj.
Učora jon pryvioŭ u Centralny sud kala 30 studentaŭ, kab u zału pasiedžańniaŭ nie zmahli prajści pravaabaroncy i aktyvisty apazicyi.
A siońnia abraziŭ i ŭdaryŭ maci padsudnaha Alaksandra Barazienki. Na vychadzie z zały suda Alena Barazienka spytała ŭ kiraŭnika hrupy studentaŭ, jakija zaniali ŭsia zału suda, «ci maje jon sumleńnie». U adkaz toj mocna pchnuŭ žančynu ŭ plečy.
Ad udaru pažyłaja žančyna ŭpała na ruki muža. Ubačyŭšy abureńnie ludziej, kiraŭnik hrupy studentaŭ kinuŭsia skardzicca milicyjantam, ale tyja admovilisia ŭmiešvacca. Tady mužčyna staŭ pahražać žurnalistam i abazvaŭ maci palitviaźnia «stvareńniem».
Raniej jon ža vyrvaŭ z ruk karespandenta Aleha Hruździłoviča fotaaparat i ŭsialak sprabavaŭ pieraškodzić pracy ŚMI. «Treba zabrać u jaho fotaaparat i, pierš za ŭsio, źniščyć videazapis. Kali jon źjavicca ŭ Internecie, budzie vialiki skandał!», ‑‑ tłumačyŭ vykładčyk milicyjantu.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary