10 śniežnia dvoje studentaŭ minskaha Kaledža dekaratyŭna-prykładnoha mastactva pabilisia paśla zaniatkaŭ, dy tak, što adzin paśla lažaŭ u brudzie biez prytomnaści i jaho kurčyła.
Ale ž pretenzij paciarpieły nie maje. Pryčyny bojki jon taksama nie ahučyŭ.
Zatoje ich ahučyŭ «Našaj Nivie» inšy student, toj, jaki apublikavaŭ videa i tym samym vynies kanflikt na publiku.
Adbyłosia ŭsio praź dziaŭčynu, raspavioŭ student. Maŭlaŭ, Dźmitryj (paciarpieły) zastupiŭsia za svajho siabra. Da dziaŭčyny siabra zalacaŭsia inšy student, Kirył. Toj Kirył nibyta ŭdaryŭ spačatku chłopca dziaŭčyny, a paśla atrymaŭ svajo i Dźmitryj.
Ciapier, kaža surazmoŭca «Našaj Nivy», jaho vyklikajuć da administracyi i vyśviatlajuć, adkul uziałosia videa. Student śćviardžaje, što administracyja chacieła maksimalna zamiać vypadak i ciapier prosić studentaŭ ničoha nie kazać navat milicyjantam i śledčym.
«Ja išoŭ u kaledž i mnie studenty kazali: maŭlaŭ, «ciabie šukaje i zavuč, i dyrektar, i psichołah, tabie p***da», — kaža chłopiec. — A ŭ administracyi mnie skazali, što ja nanios udar pa reputacyi kaledža».
Taja bojka była nie pieršaj, zapeŭnivaje chłopiec.
«Student, jaki źbivaŭ, nie pieršy raz takoje robić. Heta druhi vypadak za 4 miesiacy, jakija jon vučycca ŭ kaledžy. Jon sirata i žyvie ŭ internacie. Tam jon i pabiŭsia z susiedziami», — raspavioŭ student.
Chłopiec navat zapisaŭ videarolik, pryśviečany historyi z bojkaj u kaledžy.
Kamientary