Biełarusy za akijanam śviatkujuć Kalady razam z Chamienkam i Doŭhušavym FOTY
Naprykancy minułaha tydnia biełaruskaja hramadskaść Ńju-Jorka i vakolic sabrałasia razam, kab adśviatkavać Kalady.
U śviacie, arhanizavanym Biełaruskim Instytutam Amieryki, uziali ŭdzieł viadomy fołk-muzyka, lidar hurta «Pałac», etna-kulturołah Aleh Chamienka i lidar hurta «Vuraj», arhanizatar «Śpieŭnych schodaŭ» Siaržuk Doŭhušaŭ.
Viali imprezu, jakaja prachodziła ŭ nadzvyčaj ciopłaj atmaśfiery, try abajalnyja biełaruski Alena Rydzieŭskaja, Iryna Chadarenka i Hanna Sakałoŭskaja.
Naviedvalniki mieli mahčymać nabyć suvieniry, kalendary i knihi biełaruski piśmieńnikaŭ, pačastavacca tradycyjnymi biełaruskimi stravami (asabliva smačnymi byli babka i bliny, zhatavanyja pa admysłovaj zamovie miascovym šef-povaram) i atrymać šmat pazityŭnych emocyj ad udziełu ŭ narodnym abradzie «Žanićba Ciareški».
Siarod prysutnych byli i amierykanskija hości, jakija ź vialikaj cikavaściu znajomilisia z admietnaściami biełaruskich tradycyj, a taksama achvotna brali ŭdzieł u śviatočnaj łatarei i ahulnym karahodzie.
Bolš fota hł. na flickr.com
Ciapier čytajuć
Polšča pryznała Alaksandra Mašenskaha niepažadanaj asobaj34
Kamientary