Rabavańnie adbyłosia ŭ vioscy Dvor Suša, što ŭ Lepielskim rajonie.
Viadoma, što nieznajomiec prabraŭsia ŭ chatu da staroj žančyny, raźbiŭšy akno na vierandzie. Jon zapatrabavaŭ atrymanuju joj napiaredadni piensiju. Pad pahrozaj raspravy staraja žančyna addała ŭsie 420 rubloŭ, adnak rabaŭnik vyrašyŭ pakinuć joj 10 rubloŭ na chleb.
Złačyncu chutka vyjavili. Heta 32-hadovy ŭradženiec Šumilinskaha rajona. Viaskovy dom, dzie pražyvaje adzinokaja žančyna, jon nahledzieŭ zahadzia, kali pryjazdžaŭ u viosku pradavać drovy. Pryčym dla ździajśnieńnia złačynstva prajechaŭ na rovary bolš za 30 km.
Supracoŭnikami kryminalnaha vyšuku było apytana nasielnictva najbližejšych nasielenych punktaŭ. Padazreńni trapili na apošniaha pakupnika kramy ŭ adnoj ź viosak Biešankovickaha rajona. Mužčyna, padobny pa prykmietach z rabaŭnikom, nabyŭ niekalki plašak śpirtnoha, cyharety i pradukty.
Ale zatrymali jaho ŭ Śvietłahorskim rajonie, kudy jon pajechaŭ da znajomaj.
Kamientary