Vašaj uvazie — navahodni vypusk humarystyčnaha šou Chaj Tak TV na Biełsacie.
Chaj Tak TV vinšuje ŭsich hledačoŭ i pakazvaje zakuliśsie šou. Narešcie vy pabačycie:
- «Prybiary jaho ź placoŭki!» - jak paśpiachova prajści kastynh u Chaj Tak TV.
- Chto piša žarty - toj ich i čytaje. Pahladzicie ŭ vočy scenarystam šou.
- Ad Sašy i Siaroži - da Chaj Tak TV. Chto režysior Chaj Tak i kali jon viernie pašparty supracoŭnikam prahramy.
- «…Inahda vapreki słažyŭšymsia pierypiecijam i niaŭzhodam…» — biełaruski čynoŭnik rychtuje navahodni zvarot.
Hlazicie Chaj Tak u novym 2019 hodzie — budzie jašče viesialej!
Šou vychodzić na Biełsacie ad vieraśnia. Upieršyniu ŭ telefarmacie — pra Biełaruś, pa-biełarusku i biez cenzury.
Pavodle kancepcyi, Chaj Tak TV — heta samy padpolny biełaruski telekanał, jašče bolš padpolny, čym Biełsat.
Sa studyi, jakaja raźmiaščajecca «ŭ nieviadomym miescy», Chaj Tak TV štosuboty a 20.30 pirackim čynam uryvajecca na efirnyja chvali Biełsata.
A troje jahonych viadoŭcaŭ — śmiełyja i bieskampramisnyja Sieva Ścieburaka, Dźmitry Jesianievič i Jaŭhien Baryšnikaŭ — kamientujuć biełaruskuju rečaisnaść całkam pa-novamu: praz daviadzieńnie da poŭnaha absurdu.
U kožnym vypusku — skietčy, repartažy dy apytanki, abmierkavanie navinaŭ i razmova z hościem.
U sakretnuju studyju padpolnaha TB prychodziać biełaruskija zorki — tut byli Viktar Marcinovič, Adam Hłobus, Palina Respublika, Pavieł Charłančuk, a taksama mnohija inšyja. I nichto z haściej nie viedaje, da čaho ich zmusiać viadoŭcy ŭ efiry.
Kamientary