NTV: Chto ŭ strašnym śnie moh pradkazać, što ŭ Biełarusi buduć napadać na ludziej tolki tamu, što jany ruskija?
Rasijski telekanał NTV adreahavaŭ na zaklik partyi BNF abmiežavać rasijskija telekanały ŭ Biełarusi. U viačernim efiry prahramy «Siehodnia» vyjšaŭ siužet, u jakim śćviardžałasia, što biełarusaŭ, jak raniej i ŭkraincaŭ, nibyta štučna sprabujuć prymusić nienavidzieć Rasiju.
Repartaž byŭ zrobleny ŭ najhoršych prapahandysckich tradycyjach kramloŭskich ŚMI, dzie ŭsio źmiešvajecca ŭ kuču: banderaŭski Lvoŭ, vierałomny Zachad, tomas, majdan, haleča…
Zatym idzie pieraklučeńnie na Biełaruś. U siužecie pakazvajuć kanflikt u minskim mietro, kali adzin z pasažyraŭ vyhnaŭ z vahona «kazaka» sa słovami «Čamadan! Vakzał! Rasieja!»
Čytajcie taksama:
U Minsku chłopiec vyhnaŭ «kazaka» z vahona mietro, kanflikt trapiŭ na VIDEA
«Chto ŭ strašnym śnie moh pradkazać, što ŭ stalicy Biełarusi, u Minsku, buduć napadać na ludziej tolki tamu, što jany ruskija»,
— pačaŭ raspaviadać dyktar.
Zatym znoŭ u siužecie pieraklučylisia na Ukrainu, śćviardžali, što Ukraina nibyta pakutuje ad połčyščaŭ nacyjanalistaŭ, a razryŭ z Maskvoj nibyta viadzie da katastrofy.
Dalej karespandent pytajecca:
«Što rabić biełaruskim uładam, jakija praciahvajuć adbivać ataki nacyjanalistaŭ u internecie?»
U jakaści «ekśpierta», jaki paćvierdziŭ isnavańnie napadaŭ nacyjanalistaŭ u internecie, vystupiŭ publicyst Alaksiej Dzierman.
Dalej dyktar zrabiŭ zajavu, što da pačatku XX stahodździa na karcie śvietu nie isnavała Biełarusi i Ukrainy. I što stvorany hetyja krainy byli nibyta tolki vysiłkami balšavikoŭ.
«Savieckaja ŭłada źmianiła raskład, namalavaŭšy novyja miežy, zrabiŭšy dźvie stvoranyja respubliki pryvilejavanaj častkaj Sajuza»,
— raspavioŭ karespandent NTV.
Jon paŭtaryŭ kanśpirałahičnyja viersii, što nibyta Zachad śpiecyjalna praz nacyjanalizm nie daje adbycca sajuzu Rasii, Ukrainy i Biełarusi, tamu što Zachad nibyta bačyć u takim sajuzie mocnaha kankurenta.
Ciapier čytajuć
Zakinutuju siadzibu Bahdanovičaŭ pierarobiać u bucikovy hatel FOTY4
Kamientary