U sučasnych umovach turbulentnaści luboj dziaržavie niemahčyma vyžyć u adzinočku, samastojna. Taki punkt hledžańnia vykazaŭ žurnalistam kiraŭnik zamiežnapalityčnaha viedamstva Biełarusi Uładzimir Makiej, piša BiełTA.
Kali zakranać temu ŭdziełu krainy ŭ intehracyjnych abjadnańniach i razam z hetym zachavańnia suvierenitetu, to Uładzimir Makiej nie bačyć u hetym nijakaj supiarečnaści. «Niadaŭna my sustrakalisia z maimi kalehami jeŭrapiejskich dziaržaŭ — ministrami zamiežnych spraŭ Aŭstryi, Vienhryi, i ja cikaviŭsia ich mierkavańniem na hety kont. I, jak mnie zdajecca, jość adnaznačnaje vyraznaje razumieńnie adnosna taho, što siońnia, u turbulentnuju epochu, vyžyć adnoj dziaržavie samastojna niemahčyma, — skazaŭ ministr, — asabliva nievialikim i siarednim dziaržavam, asabliva tym, jakija nie majuć mahutnych finansavych resursaŭ, vialikich radoviščaŭ karysnych vykapniaŭ. Tamu jość ahulnaje razumieńnie, što važna ŭdzielničać u intehracyjnych strukturach, jakija b prynosili niejkija palityčnyja, ekanamičnyja dyvidendy dziaržavie».
Pry hetym, padkreśliŭ Uładzimir Makiej, jość dakładnaje razumieńnie, što ni ŭ jakim razie nielha handlavać svaim suvierenitetam. Na pieršym miescy pavinny stajać nacyjanalnyja intaresy.
«Bolš za toje, abodva jeŭrapiejskija ministry skazali, što siońnia navat mała chto kaža ab družalubnych dziaržavach, braterstvie ŭ miždziaržaŭnych adnosinach. Siońnia na pieršym miescy stajać intaresy. I kali my pahladzim na pavodziny niekatorych vialikich hieapalityčnych hulcoŭ, vialikija hieapalityčnyja dziaržavy, to my bačym: dla ich samaje hałoŭnaje prasoŭvańnie i abarona svaich nacyjanalnych intaresaŭ, pašyreńnie ŭpłyvu ŭ tym ci inšym rehijonie». Ministr zaŭvažyŭ, što ŭ dadzienym vypadku jon nie maje na ŭvazie niejkija kankretnyja dziaržavy.
«Biełaruś jak nievialikaja, siaredniaja pa pamierach jeŭrapiejskaja dziaržava pavinna taksama dumać, jak nam abaranić, adstajać svaje intaresy, nie tolki zachavać, ale i ŭmacavać našy suvierenitet i niezaležnaść, terytaryjalnuju cełasnaść», — padkreśliŭ kiraŭnik MZS.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ5
Kamientary