Biełaruskija školniki masava ŭdzielničajuć u rasijskaj alimpijadzie, jakaja daje prava na biaspłatnaje pastupleńnie ŭ Maskvu
Čytač z Połacka dasłaŭ u «Našu Nivu» infarmacyju pra toje, što połackich školnikaŭ u vychodny dzień zaklikajuć udzielničać u «ekzamienie ŭ adnu z maskoŭskich VNU».
«Nie asudžaju imknieńnie dziaciej vučycca ŭ dobrym univiersitecie. Razumieju žadańnie VNU atrymać talenavituju moładź. Ale jakaja zacikaŭlenaść u hetym škoły?» — pytajecca čytač, źviartajučy ŭvahu na toje, što biełaruskaja dziaržava navučaje dziaciej biaspłatna nie dla taho, kab ich adrazu ž u škołach pieravablivali rasijanie.
Jak vyśvietliła «Naša Niva», usio ž havorka idzie pra markietynhavuju stratehiju MFTI (Maskoŭskaha fizika-techničnaha instytuta).
Hetaja navučalnaja ŭstanova pravodzić ułasnuju alimpijadu, jakaja pazicyjanujecca jak «mižnarodnaja» i prachodzić u elektronnym farmacie. Paŭdzielničać moža luby školnik, biełaruskim školnikam pra takuju mahčymaść raskazvajuć zvyčajna ich nastaŭniki.
Adna z połackich nastaŭnic pa fizicy patłumačyła nam miechanizm:
«Heta pytańnie samich vučniaŭ i ich baćkoŭ, ja ni za što nie ahituju, maja rabota — dać im viedy. Niekatoryja razhladajuć alimpijadu MFTI jak biaspłatnuju treniroŭku da respublikanskich alimpijad. Dzieci hatovyja ŭdzielničać u lubych alimpijadach, — tłumačyć jana. — U alimpijadzie MFTI elektronnaja rehistracyja i ŭdzieł, niekalki etapaŭ. Tyja, chto dobra prajšoŭ usie etapy, atrymlivajuć mahčymaść udzielničać u konkursie na kvotu dla biełarusaŭ, heta aznačaje — pastupić u MFTI biez prachodžańnia JEHE i ekzamienaŭ».
Žančyna źviartaje ŭvahu, što rasijanie robiać chitra i vydajuć dypłomy chiba nie kožnamu ŭdzielniku, jaki choć niešta rašyŭ. Heta ciešyć dziaciej, bo na surjoznych alimpijadach, kštałtu toj, što pravodzić Ministerstva adukacyi, dypłomaŭ vydajecca mała.
«U alimpijadzie MFTI možna ŭdzielničać z 8 kłasa, źbirajučy bonusnyja bały, i da 11 kłasa być pryhažunom», — skazała jana i pachvaliłasia tym, što za apošnija try hady pa dva čałavieki ź jaje vypuskaŭ harantavana pastupali ŭ Maskvu.
Žančyna nie ličyć takuju situacyju prablemaj. Jana śćviardžaje, što vypuskniki anałahičnych śpiecyjalnaściaŭ atrymlivajuć mizernyja zarobki ŭ Biełarusi i abo sychodziać u IT, abo ŭsio adno źjazdžajuć u inšyja krainy.
«Taksama dypłomy MFTI zaličvajucca ŭ rejtynhach škoł, bo kali ty nastaŭnik i tvaje vučni nie prynosiać dypłomaŭ, to ty — kiepski nastaŭnik», — skazała jana. Maŭlaŭ, palacieć na sapraŭdnuju mižnarodnuju alimpijadu, kštałtu Žaŭtykaŭskaj u Kazachstanie, u ich niama hrošaj.
U Minadukacyi «Našaj Nivie» adkazali, što ŭdzieł u alimpijadach kštałtu MFTI — dobraachvotnaja sprava, bo jany pravodziacca ŭ siecivie.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»25
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary