Try čałavieki zatrymanyja siłavikami pa spravie hrafici, jakoje nibyta namalavali aktyvisty anarchisckaha ruchu. Śledčy kamitet paćvierdziŭ, što zaviedzienaja kryminalnaja sprava pa artykule 341KK («Apahańvańnie budynkaŭ ci inšych zbudavańniaŭ cyničnymi nadpisami abo malunkami»). Maksimalnaje pakarańnie pa artykule — aryšt na 3 miesiacy.
Miarkujecca, 22 śniežnia 2018 hoda anarchisty namalavali hrafici z tekstam pra toje, što supracoŭniki milicyi zabivajuć hramadzian, a taksama z anhłamoŭnaj abrevijaturaj, uniesienaj u śpis ekstremisckich materyjałaŭ.
Na Dźmitryja Palijenku i jašče adnaho anarchista zaviali kryminalnuju spravu za hrafici pra milicyjantaŭ
Pravaabaroncy nazyvajuć imiony zatrymanych — heta były palitviazień Dźmitryj Palijenka, Jaŭhien Čulicki, a ciapier dadałosia jašče proźvišča Nasty Husievaj. Chto hetaja dziaŭčyna, jakaja apynułasia ŭ źniavoleńni?
Naści 21 hod. Rodam jana z Hłuskaha rajona Mahiloŭskaj vobłaści. Vučyłasia ŭ kaledžy charčovaj pramysłovaści ŭ Sieńnicy. Ciapier pracuje pa raźmierkavańni na Minskim małočnym zavodzie №1 majstram učastka.
Da ŭdziełu ŭ nacyjanalnym ruchu dałučyłasia ŭ 2016 hodzie. Aktyŭničała pry «Moładzi BNF» i «Maładym froncie». Brała ŭdzieł u abaronie Kurapataŭ u 2017 hodzie. Tam jana paznajomiłasia ź Siarhiejem Palčeŭskim, tym samym, jaki loh pad koły hruzavika, kab spynić budaŭnictva. Potym u pary pačalisia ramantyčnyja adnosiny.
U 2018 hodzie Naści Husievaj było prysudžana 15 bazavych vieličyń za zbor podpisaŭ u padtrymku biełaruskaj movy. Aktyvist i ciaślar Źmicier Daškievič kaža, Nasta źjaŭlajecca prychadžankaj pratestanckaj carkvy «Jan Pradvieśnik». Cikavicca fatahrafijaj.
Apošnim časam jana padtrymlivała i aktyvistaŭ anarchisckaha ruchu.
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary