Muž Sabčak u centry Maskvy złamaŭ nos viadomamu režysioru praz reŭnaść VIDEA
Adnačasova niekalki telehram-kanałaŭ sa spasyłkami na vidavočcaŭ paviedamili pra toje, što muž byłoj kandydatki ŭ prezidenty Rasii Ksienii Sabčak Maksim Vitarhan «navalaŭ» u centry Maskvy teatralnamu režysioru Kanstancinu Bahamołavu.
Raniej u narodzie chadzili plotki, što ŭ Sabčak i Bahamołava moža być raman. Tym bolš, što ŭ 2018 hodzie režysior staŭ aficyjna svabodnym: jon raźvioŭsia z žonkaj, aktrysaj Darjaj Maroz (ad šlubu ŭ ich zastałasia dačka). Vidać, mienavita hety momant pamiž saboj vyrašali mužčyny, kali vypadkova apynulisia ŭ adnym kafe, a potym vyjšli «parazmaŭlać» na vulicy kala «Hrand Kavamanii».
U vyniku tvar Bahamołava byŭ uvieś u kryvi, chutkuju vyklikać jon nie zachacieŭ. Adnak potym paviedamiŭ u svaim instahramie, što daktary «źbirali jaho nos ź dźviuch častak» i «pryviali kostki čerapa ŭ bolš-mienš prystojnyje stan».
Sama Sabčak i jaje muž pakul nie davali nijakich kamientaryjaŭ na hetuju temu. U dzień paśla bojki Ksienija sucha napisała ŭ svaim telehram-kanale:
«Darahi antyhlaniec, razumieju vas, ale kankretna siońnia ŭ mianie prablemy bolš maštabnyja, čym niaspłačany zarobak».
Ź Vitarhanam Ksienija ažaniłasia ŭ 2013 hodzie. Razam jany hadujuć syna Płatona.
Ksienija z mužam.
Ciapier čytajuć
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»39
Kamientary