Sud vynies vyrak Siarhieju Karyćku, jakoha abvinavačvali ŭ atrymańni chabaru ŭ 2 tysiačy dalaraŭ. Pakarańnie dla byłoha hałoŭnaha ŭrača Respublikanskaha centra miedycynskaj reabilitacyi i balniealačeńnia — 2,5 hoda «chatniaj chimii», piša Tut.by
Nahadajem, miedyka sudzili za chabar u 2 tysiačy dalaraŭ. Abvinavačvańnie jamu pradjaŭlena pa č. 1 art. 430 KK RB (Atrymańnie chabaru). Uładzimir Ładućka — biznesmien, jaki pieradaŭ miedyku hrošy, śćviardžaje, što heta była padziaka: miedcentr zakupiŭ u ich firmy adzin aparat, vyznačałasia kupla druhoha. Druhi tendar, praŭda, vyjhrała inšaja firma.
Padčas sudovych sprečak dziaržabvinavaŭca zapatrabavaŭ dla Siarhieja Karyćki dva z pałovaj hady abmiežavańnia voli biez nakiravańnia va ŭstanovu adkrytaha typu, a taksama kanfiskacyju majomaści. Mienavita da takoha termina i prysudziŭ sud hałoŭnaha ŭrača, praŭda, biez kanfiskacyi. Prysud nie ŭstupiŭ u zakonnuju siłu i moža być abskardžany.
— Chaču skazać, što ja ščyra raskajvajusia, — skazaŭ u apošnim słovie Siarhiej Karyćka. — Kali niechta nie vieryć, prašu pračytać maju apošniuju knihu, jakaja nazyvajecca «Moj los», tam napisana ŭsia praŭda.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary