U Słucku chłopcy try razy rabavali adzin i toj ža mahazin i razdavali kradzienaje siabram
U Słucku zatrymali maładych ludziej, jakija trojčy «rabavali» mahazin bytavych tavaraŭ «Vostraŭ čyścini» na vulicy Tutarynava.
Adzin z chłopcaŭ — 21-hadovy žychar Słucka — raniej užo traplaŭ u pole zroku milicyi i byŭ sudzimy. Druhi małady čałaviek jašče vučycca ŭ škole, vosieńniu jamu budzie 16 hadoŭ. Im pahražaje da 4-ch hadoŭ pazbaŭleńnia voli.
Pieršy raz maładyja ludzi ŭleźli ŭ «Vostraŭ čyścini» jašče ŭ kancy 2018 hoda. U noč na 24 listapada jany vynieśli z kramy siejf. Pabityja šyby ŭ voknach budynka ŭbačyli pradaŭcy kramy, jakija ranicaj pryjšli na pracu, i vyklikali milicyju. Papiaredni ŭron skłaŭ bolš za 1000 rubloŭ.
Mahazin nie byŭ abstalavany sihnalizacyjaj i kamierami videanazirańnia, taksama na voknach adsutničali kraty. Pra heta viedaŭ 21-hadovy padazravany, jaki žyŭ niepadalok. Mienavita jon prapanavaŭ svajmu tavaryšu abkraści «Vostraŭ čyścini».
Raspačali kryminalnuju spravu.
Druhi raz «Vostraŭ čyścini» abakrali taksama ŭ kancy minułaha hoda. Tady, jak paźniej vyśvietlili śledčyja, u kramu ŭlez tolki 21-hadovy chłopiec. Jon raźbiŭ akno i vynies z kramy bytavyja tavary.
Treci raz abkraści «Vostraŭ čyścini» maładyja ludzi adpravilisia ŭdvaich u noč na 9 studzienia. Tavar, jaki im udałosia vynieści (tualetnuju vadu, naprykład), zachoŭvaŭ u siabie doma starejšy tavaryš.
Sioje-toje z kradzienaha chłopcy padaryli baćkam, astatniaje — razdali blizkim znajomym i siabram.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary