U Oršy siońnia adbyłosia vyjaznoje pasiadžeńnie Viciebskaha abłvykankama pa pytańniach raźvićcia Aršanskaha rajona. Kiraŭnik Administracyi prezidenta Natalla Kačanava žorstka acaniła rabotu miascovych orhanaŭ ułady, paviedamlaje BiełTA.
«Času na razvarušvańnie ŭ vas niama, čas uhavorvańniaŭ prajšoŭ. My pavinny bačyć vynik i efiektyŭnaść rašeńniaŭ, jakija ŭžo padpisanyja kiraŭnikom dziaržavy. Praktyčna ni adzin klučavy pakazčyk efiektyŭnaści raboty za minuły hod nie vykanany», — padkreśliła Natalla Kačanava.
Na jaje dumku, heta pierš za ŭsio źviazana z chibami u pracy kadraŭ.
«Inšaj pryčyny dla nievykanańnia pastaŭlenaj zadačy prosta niama. Jakija b rašeńni i prefierencyi pa Aršanskim rehijonie ni prymalisia na respublikanskim uzroŭni, pakul tut nie pačnuć pracavać kiraŭniki pradpryjemstvaŭ, arhanizacyj, ustanoŭ, miascovych orhanaŭ ułady, ničoha nie atrymajecca», — skazała kiraŭnik Administracyi prezidenta.
Jana adznačyła, što pabyvała ŭ šaści-siami haradach, anałahičnych Oršy, ale nidzie takoj situacyi nie bačyła.
«Kali vy chočacie dasiahnuć vyniku, jon u vas budzie. Ale heta zaležyć tolki ad vas. Nieadkładna pačynajcie pracavać. Sprava honaru dla ŭsich nas — pieraviarnuć i zrušyć situacyju pa Aršanskim rehijonie ź miortvaha punkta», — skazała Natalla Kačanava.
Jana nahadała, što roŭna paŭhoda prajšło z momantu praviadzieńnia ŭ Oršy narady z udziełam Łukašenki.
«Pa-mojmu, nichto vysnovy nie zrabiŭ. I pierš za ŭsio — miascovyja orhany ŭłady», — padkreśliła kiraŭnik Administracyi prezidenta.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary