Minkamsuviazi Rasii hatova inicyjavać pieramovy ab admienie roŭminhu pamiž Rasijaj i Biełaruśsiu na ŭzroŭni premjer-ministraŭ ci prezidentaŭ abiedźviuch krain, zajaviŭ žurnalistam kiraŭnik ministerstva Kanstancin Naskoŭ u kułuarach inviestforumu ŭ Sočy, piša interfax.by
Pryčyna zaklučajecca ŭ tym, što biahučyja prapanovy biełaruskaha boku miarkujuć tolki źnižeńnie koštaŭ na pasłuhi suviazi pamiž krainami, ale nie na poŭnuju admienu roŭminhu.
«Biełaruski bok dasłaŭ nam prapanovy ŭ adkaz, surjozna adkarektavaŭšy naš płan, jaki viadzie, pa našych acenak, da źnižeńnia koštaŭ na 25-30%, ale nie pryvodzić da admieny roŭminhu ŭ našym razumieńni — da biaspłatnych uvachodnych zvankoŭ dla abanientaŭ rasijskich ŭ Biełarusi i adpaviedna biełaruskich u Rasii. Pakul, na žal, damovicca nie možam «, - patłumačyŭ K.Naskoŭ.
«Vidać, budziem inicyjavać vyniasieńnie pieramovaŭ na bolš vysoki ŭzrovień - na ŭzrovień staršyniaŭ urada abo kiraŭnikoŭ krain. Na ministerskim uzroŭni nie atrymlivajecca damovicca», - reziumavaŭ ministr.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam19
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj
Kamientary