Akruhovy sud u Biełastoku skasavaŭ rašeńnie burmistra Hajnaŭki zabaranić marš pamiaci «žaŭnieraŭ vyklentych». Marš maje adbycca 23 lutaha, kali ŭ Polščy adznačajuć dzień pamiaci antynacysckaha i antysavieckaha padpolla i Armii Krajovaj.
U Hajnaŭcy marš pravodziać nacyjanalisty, i jon vyklikaje abureńnie častki žycharoŭ. Reč u tym, što ŭ vakolicach Hajnaŭki partyzanski atrad «Buraha» ŭ 1946—1947 hadach zabiŭ 80 pravasłaŭnych. Hetymi karnymi akcyjami partyzany sprabavali adstrašyć ludziej ad supracy z kamunistyčnymi ŭładami i vyklikać vyjezd pravasłaŭnych z Padlašša ŭ BSSR.
Heta ŭžo 4-y taki marš. Papiarednija supravadžalisia incydentami i pratestami.
Kamientary