21 lutaha, u Dzień rodnaj movy, biełaruski muzyka Uzari vystaviŭ svaju ŭmovu, a dakładniej zapuściŭ akcyju pa papularyzacyi biełaruskaj movy pad nazvaju #Umova.
U svaim zvarocie muzyka kaža:
«Niekalki hadoŭ tamu ja vyrašyŭ razmaŭlać na rodnaj movie, i z kožnym dniom u maim žyćci movy ŭsio bolš i bolš. Moj pieršy albom «Padziaka Serca», što vyjdzie ŭ krasaviku, taksama budzie całkam biełaruskamoŭnym.
U Dzień rodnaj movy ja prapanuju Vam padtrymać akcyju #Umova, dzie treba vykanać niekalki zadańniaŭ i pieradać łancužok dalej, kab padtrymać našu spadčynu.
Zrabi svoj krok da movy».
Uzari prapanoŭvaje ŭ Dzień rodnaj movy znachodzić i fatahrafavacca ź cikavymi ci aryhinalnymi nośbitami biełaruskaj movy. Heta mohuć być jak ludzi, tak i roznyja rečy, nadpisy i vyraby, jakija sustrakajucca vakoł nas.
Fotazdymki z nośbitami biełaruskaj movy treba publikavać va ŭłasnych sacyjalnych sietkach, a razam ź imi historyi pra hetyja nośbity, ułasnyja padziaki ci pryznańni ŭ lubovi da rodnaj movy razam z chešteham #Umova, kab adsočvać i dalej publikavać vašyja historyi.
A kab akcyja praciahvałasia jak maha daŭžej i ŭciahvała novych ludziej, varta ŭ adkaz prapanoŭvać ułasnyja novyja ŭmovy vašym siabram i za ich vykanańnie abaviazkova matyvavać niejkimi nievialikimi padarunkami.
Naprykład, Uzari paabiacaŭ usim, chto vykanaje jaho ŭmovu, pieršym dasłać spasyłku na svoj albom «Padziaka serca», a 20 aŭtaram samych cikavych historyj i fotazdymkaŭ padaryć firmovyja cišotki i zaprasić na ekskluziŭnuju prezientacyju alboma ŭ krasaviku ŭ Minsku.
Premjera sinhła «Padziaka Serca» z budučaha albomu:
Kamientary