Jakija vybary ŭ Biełarusi projduć pieršymi — prezidenckija abo parłamienckija — u CVK pakul nie viedajuć, pra heta Łukašenka abvieścić u krasaviku padčas pasłańnia da naroda i parłamienta. Pra heta padčas internet-videabryfinhu na sajcie Nacyjanalnaha pres-centra zajaviła kiraŭnik CVK Biełarusi Lidzija Jarmošyna, piša Tut.by.
— Zakon nie zabaraniaje sumiaščać dźvie kampanii, ale ŭ nas skłałasia praktyka, što prezidenckija vybary nie sumiaščajucca ni ź jakoj inšaj kampanijaj. Niejkaja z kampanij budzie ŭ hetym hodzie, niejkaja — u 2020. Intryha ŭ tym, što nichto nie viedaje, kali projduć jakija vybary i jakija buduć pieršymi. CVK nie vałodaje infarmacyjaj pra heta, tajamnica budzie adkryta padčas kanstytucyjnaha pasłańnia kiraŭnika dziaržavy ŭ krasaviku. Na ŭsialaki vypadak my rychtujemsia da dźviuch kampanijaj, — zajaviła Jarmošyna.
Vybary ŭ parłamient, nahadajem, abviaščaje prezident, prezidenckija vybary — parłamient.
— Chutčej za ŭsio vybary buduć nie ŭletku, a ŭvosień, heta značyć abvieščanyja jany buduć u krasaviku, viasnoj. Kali b u mianie spytali, ja b akreśliła niadzielu — 1 śniežnia, — zajaviła Jarmošyna, nie ŭdakładniŭšy, pra jakija vybary idzie havorka.
Nahadajem, pa kalendary abiedźvie budučyja vybarčyja kampanii — prezidenckija i parłamienckija — traplali na 2020 hod. Ułada raniej zajaŭlała, što sumiaščać vybary nichto nie budzie. Lidzija Jarmošyna patłumačyła heta tak: sumiaščeńnie kampanij «bahata šmatlikimi mocnymi palityčnymi turbotami». Łukašenka i zusim nazvaŭ hety budučy pieryjad «vakchanalijaj». Hod tamu kiraŭnik CVK idealnym časam dla pieršych vybaraŭ nazyvała listapad 2019 hoda.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ14
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary