Ministerstva pracy i sacyjalnaj abarony Biełarusi vyvučaje pytańnie źmieny terminałohii ŭ prajekcie zakona «Ab pravach invalidaŭ i ich sacyjalnaj intehracyi» z ulikam mižnarodnaj praktyki, paviedamiŭ siońnia namieśnik ministra pracy i sacyjalnaj abarony Alaksandr Rumak, paviedamlaje BiełTA.
Adna z prapanoŭ, jakaja prahučała na siońniašniaj sustrečy, — vykarystoŭvać u narmatyŭnych pravavych aktach zamiest termina «invalidy» termin «ludzi ź invalidnaściu».
Jak rastłumačyŭ Alaksandr Rumak, u krainie vykonvajucca mierapryjemstvy Nacyjanalnaha płana dziejańniaŭ pa realizacyi Kanviencyi AAN ab pravach invalidaŭ, i ŭdaskanaleńnie nacyjanalnaha zakanadaŭstva — adzin z asnoŭnych kirunkaŭ.
Pavodle jaho słoŭ, pa prośbie Minpracy MZS źviarnułasia ŭ struktury AAN pa prafiesijny kamientaryj z ulikam suśvietnaj praktyki.
«My zapeŭnili našych sacyjalnych partnioraŭ, što kali nam paćvierdziać nieabchodnaść vykarystańnia termina «ludzi ź invalidnaściu», to buduć apieratyŭna ŭniesieny źmieny ŭžo na etapie razhladu zakonaprajekta. Akramia taho, źviarnulisia ŭ anałahičnyja dziaržaŭnyja orhany Rasii i Ukrainy, jakija taksama vykarystoŭvajuć ruskamoŭny varyjant kanviencyi», — skazaŭ Alaksandr Rumak.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram30
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary