Šoŭmien Uładzimir Zialenski lidziruje ŭ prezidenckim rejtynhu va Ukrainie, lidarka «Baćkaŭščyny» Julija Cimašenka i dziejučy prezident Piatro Parašenka iduć uśled amal naroŭni. Pra heta śviedčać danyja ŭsieŭkrainskaha apytańnia Centra «Sacyjalny manitorynh» i Ukrainskaha instytuta sacyjalnych daśledavańniaŭ imia Jaromienki.
Lidaram prezidenckaha rejtynhu źjaŭlajecca Zialenski, za jakoha hatovyja prahałasavać 27,3% apytanych, siarod tych, chto vyznačyŭsia z vybaram i hatovy ŭziać udzieł u hałasavańni.
Adpaviedna Cimašenka padtrymlivajuć 18,8% respandentaŭ, Parašenku — 18,2%.
Za lidara partyi «Apazicyjnaja płatforma — Za žyćcio» Juryja Bojku hatovyja hałasavać 10,9% apytanych.
Lidara «Hramadzianskaj pazicyi» Anatola Hrycenku padtrymlivajuć 8,8% respandentaŭ, lidara Radykalnaj partyi Aleha Laško 6,1%.
Rejtynh mera Lvova Andreja Sadavoha — 4%, kiraŭnika partyi «Našy» Jaŭhiena Murajeva — 3,9%, kandydata ad «Apazicyjnaha błoka — partyi miru i raźvićcia» Alaksandra Viłkuła — 2,6%, eks-kiraŭnika SBU Ihara Śmiaško — 2,4%, vyłučenca partyi «Ukrop» Alaksandra Šaŭčenki — 1,7%.
Rejtynh inšych kandydataŭ — mienš za 1%.
Sacyjałahičnaje apytańnie pravodziłasia z 16 pa 23 lutaha.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary