Na plamieńnika prapahandysta Dźmitryja Kisialova spravu zaviali pa matyvach intervju jaho dziadźki
Spravu ab padrychtoŭcy Siarhieja Kisialova da ŭdziełu ŭ bajavych dziejańniach na ŭschodzie Ukrainy zaviali paśla intervju jaho dziadźki, prapahandysta Dźmitryja Kisialova. Pra heta 27 lutaha paviedamili na sudovym pasiadžeńni ŭ Miunchienie, pieradaje karespandent RTVI z zały suda.
Intervju Dźmitryja Kisialova, dzie žurnalist raspavioŭ, što jaho plamieńnik Siarhiej Kisialoŭ vajavaŭ na Danbasie, vyjšła viasnoj 2016 hoda.
Na hety artykuł źviarnuŭ uvahu pradstaŭnik Fiederalnaha viedamstva kryminalnaj palicyi pry konsulstvie Hiermanii ŭ Kijevie. Paśla jaho i pačałasia pravierka, jakaja pryviała da kryminalnaj spravy, paviedamiŭ na słuchańniach aficer palicyi, jaki vystupiŭ u jakaści śviedki.
Siarhieja Kisialova, jaki źjaŭlajecca hramadzianinam Hiermanii, abvinavačvajuć u padrychtoŭcy da ŭdziełu va ŭzbrojenym kanflikcie na ŭschodzie Ukrainy. Jon pryznaŭsia ŭ złačynstvie, ale zajaviŭ, što nikoha nie zabivaŭ.
Abvinavačvańnie adznačaje, što potym suprać Kisialova mohuć zavieści jašče adnu spravu — užo za ŭdzieł u bajavych dziejańniach.
Rasśledavańnie ŭ dačynieńni da Siarhieja Kisialova ŭłady Hiermanii pačali ŭ kancy 2017 hoda. Viasnoj 2018 hoda palicyja atrymała jeŭrapiejski order na jaho aryšt. Jaho zatrymali ŭ Bałharyi i adpravili ŭ Hiermaniju. Sudovy praces nad Kisialovym prachodzić u Vyšejšym ziamielnym sudzie Miunchiena.
Kamientary