Pieršaha sakavika ŭ Minsku pačalisia sudy nad zatrymanymi ŭdzielnikami akcyi «Svabodu palitviaźniam», jakaja prajšła 26 lutaha na Kastryčnickaj płoščy Minska, piša spring96.org.
Tady na płošču vyjšli 10 čałaviek, kab vykazać padtrymku źniavolenym pa palityčnych matyvach. Jašče da pačatku niesankcyjanavanaj akcyi kala svajho doma byŭ zatrymany palityk Pavieł Sieviaryniec. Paśla akcyi zatrymali Volhu Nikałajčyk i Arcioma Čarniaka. Na nastupny dzień byŭ zatrymany Leanid Kułakoŭ, a 28 lutaha — Maja Navumava.
Rankam pieršaha sakavika stała viadoma, što zatrymanych vyvieźli ź izalatara na sudy. Paŭła Sieviarynca pavieźli ŭ sud Frunzienskaha rajona, astatnich čatyroch aktyvistaŭ — u sud Centralnaha rajona.
Na pasiedžańni pa administracyjnaj spravie Sieviarynca, jakoje pačałosia ŭ 15.00, zabaranili fota i videazdymku. Palityka abvinavačvali ŭ parušeńni artykuła 23.34 KaAP, a mienavita ŭ tym, što zaklikaŭ udzielničać u akcyi 26 lutaha.
U vyniku Sieviarynca pryznali vinavatym i pakarali 10 sutkami aryštu.
Maju Navumavu, Leanida Kułakova i Volhu Mikałajčyk aštrafavali na 45 bazavych vieličyń, albo 1147,5 rubla.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki42
Kamientary