Ramančuk: U Administracyi prezidenta mnie prapanavali čatyry stratnyja kałhasy
Ekanamist Jarasłaŭ Ramančuk 5 sakavika ŭ efiry Jeŭraradyjo raspavioŭ pra toje, jak u Administracyi prezidenta jamu prapanavali pracu ŭ čatyroch stratnych kałhasach Minskaj vobłaści.
Padčas niadaŭniaj «Vialikaj razmovy» ŭ Alaksandra Łukašenki Ramančuk krytykavaŭ ekanamičnuju madel, pabudavanuju ŭ Biełarusi. Kiraŭnik dziaržavy ŭ adkaz prapanavaŭ: «Prosta treba dać Jarasłavu stratny kałhas, pasłać jaho ŭ kałhas, kab jon zaziamliŭsia… Takich tearetykaŭ, jak Jarasłaŭ, jakija knižak načytalisia, treba prosta praź ziamlu prapuścić».
Zdavałasia, što heta žart. Adnak u paniadziełak Jarasłava Ramančuka zaprasili ŭ Administracyju prezidenta. Havorka išła pra ahučanuju im skandalnuju spravu znosu ŭ Minsku budynkaŭ pryvatnaj kampanii. Miž inšym ekanamistu pakazali śpis z čatyroch kałhasaŭ.
«Heta byŭ taki žart, jaki nasamreč akazaŭsia nie žartam, — havoryć Ramančuk. — Kali padymalisia da kabinieta Natalli Ivanaŭny [Kačanavaj, kiraŭnicy AP], ja pahladzieŭ niejkuju tabličku, tam byli 4 nazvy stratnych kałhasaŭ, jakija administracyja prezidenta źbirałasia prapanavać mnie ŭ jakaści realizacyi prapanovy prezidenta… Potym Natalla Ivanaŭna heta ahučyła. Ja skazaŭ: słuchajcie, lepš ja zaprašu ŭ Biełaruś 10 viadučych ekanamistaŭ śvietu, kab jany padzialilisia svaimi idejami…».
Takim čynam Jarasłaŭ Ramančuk na prapanovu nie pahadziŭsia, tolki paśmiajaŭsia, što ŭ Administracyi prezidenta słovy Łukašenki ŭspryniali ŭsurjoz.
Ramančuk: «Nu, patroliŭ čałaviek. Što vy kinulisia vykonvać?! Ja ŭpeŭnieny, što Łukašenka nikoli surjozna nie dumaŭ nakiravać mianie ŭ kałhas. Heta byŭ trolinh. A jany ci nie zrazumieli, ci pačućcio humaru stracili».
Kamientary