Rumas pra baraćbu z narkamanijaj: Prafiłaktyčnyja mierapryjemstvy prynosiać nie toj efiekt, na jaki raźličvali
U Biełarusi nieabchodna pierahledzieć formy i mietady prafiłaktyki narkamanii.
Pra heta zajaviŭ premjer-ministr Siarhiej Rumas u aŭtorak na pasiadžeńni prezidyuma Saŭmina, dzie abmiarkoŭvałasia rabota pa supraćdziejańni niezakonnamu abarotu narkotykaŭ, prafiłaktycy ich spažyvańnia i sacyjalnaj reabilitacyi asob, chvorych na narkamaniju, paviedamlaje pres-słužba ŭrada.
«Zychodziačy ź siońniašnich realij, nieabchodny pierahlad isnujučych formaŭ i mietadaŭ prafiłaktyki narkamanii jak z punktu hledžańnia ekanamičnaj i sacyjalnaj efiektyŭnaści, tak i z punktu hledžańnia ich usprymańnia hramadstvam», — miarkuje Siarhiej Rumas.
Aktualnymi zastajucca pytańni pracy z moładździu. «Mnostva prafiłaktyčnych mierapryjemstvaŭ, jakija pravodziacca va ŭstanovach adukacyi, prynosiać nie toj efiekt, na jaki my raźličvali. Maładych ludziej praciahvajuć dałučać da narkamanii i niezakonnamu abarotu narkotykaŭ», — kanstatavaŭ kiraŭnik urada.
Na jaho dumku, u baraćbie z narkatyčnaj pahrozaj patrebna jak aktyŭnaja pazicyja dziaržavy, tak i nieabyjakavaje staŭleńnie z boku hramadstva. Pravilna rasstaŭlenyja pryjarytety dazvolili stabilizavać abstanoŭku ŭ krainie, źviazanuju ź niezakonnym abarotam narkotykaŭ, skaracić kolkaść narkazłačynstvaŭ, asob, dałučanych da narkooborot i źnizić kolkaść śmierciaŭ ad pieradaziroŭki, adznačyŭ premjer-ministr. Siońnia uvahi taksama patrabujuć pytańni lačeńnia i reabilitacyi narkazaležnych.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m38
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary