Nieardynarnaja padzieja. U Puchavickim rajonie karova naradziła adrazu trojniu
U Puchavickim rajonie karova naradziła adrazu trojniu. Zdaryłasia heta na fiermie ŭ vioscy Piarežyr. U Akademii navuk kažuć, što takoje zdarajecca vielmi redka, adznačaje Tut.by.
Niezvyčajnaja padzieja adbyłasia ŭ lutym. Takoha tut jašče nikoli nie zdarałasia. Dvojni, žartuje technik-asiemianatar Hanna Šaŭcova, dla ich nie redkaść, tolki ŭ lutym ich tut było čatyry.
— Ale kab troje! — nie chavaje emocyj surazmoŭca. — Asiemianataram ja pracuju 12 hadoŭ, i na majoj pamiaci heta pieršy vypadak.
Šmatdzietnaj mamie-karovie hadoŭ siem. Heta byli jaje trecija rody. U pryncypie, kaža śpiecyjalist, jašče UHD pakazała, što ŭ žyvioły šmatpłodnaść. Na fiermie čakali «minimum mocnuju dvojniu».
— Ja ŭsich papiaredziła i paprasiła ŭziać rody ŭ hetaj karovy na asablivy kantrol, — raspaviadaje Hanna Šaŭcova. — Kali ŭsio zdaryłasia, mnie dali spravazdaču: «Hanna Michajłaŭna, dvojniu pryniali. Usio narmalna». Ja pajšła pahladzieć, a tam užo i treciaje cialatka lažyć.
Usie małyja — chłopčyki. Starejšy ź ich samy bajavy. Na žal, praz dva tydni ŭ adnaho z byčkoŭ padniałasia tempieratura, i jon pamior.
Pa słovach Dźmitryja Bahdanoviča, zahadčyka łabaratoryi navukova-praktyčnaha centra NAN Biełarusi pa žyviołahadoŭli, trajniaty ŭ karovy — źjava vielmi redkaja.
— Karovy — manapłodnyja žyvioły. Heta značyć, u ich naradžajecca adno ciala, — tłumačyć śpiecyjalist. — Vielmi redka — dvoje. Vypadki źjaŭleńnia dvajniat składajuć kala 2—3 pracentaŭ i časta abumoŭleny bijatechnałahičnymi mierapryjemstvami, jakija pravodziać z žyviołami. Troje, adpaviedna, sustrakajecca vielmi redka. Možna skazać, heta nieardynarnaja padzieja.
Ciapier čytajuć
Chto taja Alina, ź jakoj Łukašenka tancavaŭ hetym razam na navahodnim bali18
Kamientary