La bierahoŭ Kamčatki ŭ śniežni ŭzarvaŭsia mietearyt. Siła vybuchu była ŭ 10 razoŭ bolšaja, čym u Chirasimie
Niepadalok ad uźbiarežža Kamčatki ŭ śniežni adbyŭsia bujny vybuch mietearyta, paviedamlaje NASA.
Vybuch byŭ druhim pa vieličyni za apošnija 30 hadoŭ i sastupaje tolki vybuchu mietearyta nad Čalabinskam šeść hadoŭ tamu.
Vybuch nie adrazu zaŭvažyli, bo jon adbyŭsia nad Bierynhavym moram.
Mahutnaść vybuchu była ŭ 10 razoŭ bolšaj, čym u atamnaj bomby, skinutaj na Chirasimu.
Lindli Džonsan, śpiecyjalist NASA pa abaronie Ziamli ad pazaziemnych abjektaŭ, skazaŭ u intervju Bi-bi-si, što vybuchi takoha maštabu zdarajucca tolki dva-try razy za 100 hadoŭ.
«Enierhija vybuchu dasiahnuła 40% enierhii vybuchu nad Čalabinskam, ale tak jak heta adbyłosia nad Bierynhavym moram, u naviny hety momant nie trapiŭ», — kaža Keli Fast, śpiecyjalist NASA pa kalaziamnych abjektach.
Pavodle jaje słoŭ, toj fakt, što vialikaja častka Ziamli pakryta vadoj, abaraniaje čałaviectva ad takich vybuchaŭ.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie6
Kamientary