Ля берагоў Камчаткі ў снежні ўзарваўся метэарыт. Сіла выбуху была ў 10 разоў большая, чым у Хірасіме
Непадалёк ад узбярэжжа Камчаткі ў снежні адбыўся буйны выбух метэарыта, паведамляе НАСА.
Выбух быў другім па велічыні за апошнія 30 гадоў і саступае толькі выбуху метэарыта над Чалябінскам шэсць гадоў таму.
Выбух не адразу заўважылі, бо ён адбыўся над Берынгавым морам.
Магутнасць выбуху была ў 10 разоў большай, чым у атамнай бомбы, скінутай на Хірасіму.
Ліндлі Джонсан, спецыяліст НАСА па абароне Зямлі ад пазаземных аб'ектаў, сказаў у інтэрв'ю Бі-бі-сі, што выбухі такога маштабу здараюцца толькі два-тры разы за 100 гадоў.
«Энергія выбуху дасягнула 40% энергіі выбуху над Чалябінскам, але так як гэта адбылося над Берынгавым морам, у навіны гэты момант не трапіў», — кажа Кэлі Фаст, спецыяліст НАСА па калязямных аб'ектах.
Паводле яе слоў, той факт, што вялікая частка Зямлі пакрыта вадой, абараняе чалавецтва ад такіх выбухаў.
Каментары