Niekalki ŭkrainskich aliharchaŭ hatovy dapamahać lubomu z kankurentaŭ Piatra Parašenki, paviedamlaje «Ukrajinśka pravda».
Nieprymirymymi apanientami Parašenki źjaŭlajucca Dźmitryj Firtaš, Siarhiej Lovačkin i Ihar Kałamojski. Ich «Ukrajinśka pravda» nazyvaje «traistym sajuzam», členy jakoha ŭpeŭnienyja, što Parašenku nielha dać pieramahčy ŭ druhi raz.
«Možna nie hladzieć intervju Ihara Kałamojskaha, kab zrazumieć jaho staŭleńnie da dziejnaha prezidenta. Dastatkova ŭklučyć [telekanał] «1+1» i pahladzieć niekalki hadzinnych «rasśledavańniaŭ», jakija ŭ sutnaści svajoj źjaŭlajucca pieradvybarčaj «čarnuchaj» suprać Parašenki», — adznačajuć aŭtary materyjału.
Taksama ŭ adkrytuju vajnu z Parašenkam ustupiŭ telekanał «Inter», jaki naležyć Firtašu i Lovačkinu. Jak adznačajecca, za apošnija niekalki tydniaŭ hety kanał staŭ ledź nie hałoŭnaj televizijnaj trybunaj dla lidara nacyjanalistyčnaj arhanizacyi «Nacyjanalny korpus» Andrija Bileckaha (siabry abjadnańnia ŭ siaredzinie sakavika rabili sproby sarvać mitynhi Parašenki). A ŭ lutym na «Intery» pačali źjaŭlacca stanoŭčyja siužety pra lidara prezidenckaj honki Uładzimira Zialenskaha, jakoha źviazvajuć z Kałamojskim.
Apošnim surjoznym miedyjnym sajuźnikam Parašenki akazalisia telekanały, źviazanyja ź Viktaram Miedźviedčukom (telekanały «112 Ukrajina» i NewsOne).
U materyjale paviedamlajecca, što inšyja najbujniejšyja aliharchi Viktar Pinčuk i Rynat Achmietaŭ zaniali niejtralnuju pazicyju.
Čarhovyja prezidenckija vybary va Ukrainie adbuducca 31 sakavika 2019 hoda, druhi tur adbudziecca 21 krasavika. Lidaram prezidenckaj honki źjaŭlajecca šoŭmien Uładzimir Zialenski. Parašenka zmahajecca za vychad u druhi tur ź Julijaj Cimašenka.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary