U Finlandyi, u horadzie Vantaa, nieviadomy ździejśniŭ sprobu napadu na ministra zamiežnych spraŭ Finlandyi Cima Sojni. Pra heta paviedamlaje Helsingin Sanomat.
Incydent adbyŭsia na tradycyjnym kirmašy, dzie ministr pravodziŭ sustreču z vybarščykami. Nieviadomy padyšoŭ da ministra i, pa słovach palityka, pasprabavaŭ jaho źbić. Napadnika spynili palicyjanty, pavalili jaho na ziamlu. Fatahrafiju z zatrymanym apublikavała ŭ Twitter ahienctva STT.
Helsingin Sanomat i STT adznačajuć, što na vopratcy mužčyny bačnaja simvolika nacyjanalistyčnaj arhanizacyi «Sałdaty Odzina». Hetaja arhanizacyja pazicyjanuje siabie jak antyimihranckaja. Hrupoŭka maje ciesnyja suviazi ź nieanacysckaj partyjaj «Paŭnočny ruch supracivu», što dziejničaje ŭ Skandynavii. U vieraśni 2018 hoda finski sud pastanaviŭ zabaranić hetuju partyju za rasavuju dyskryminacyju i raspalvańnie nianaviści, adnak udzielniki SDS padali apielacyju na hetaje rašeńnie. Sprava zastajecca na razhladzie suda.
Pa dadzienych Helsingin Sanomat, Cima Sojni ŭ vyniku napadu nie paciarpieŭ dziakujučy apieratyŭnym dziejańniam palicejskich. Ministr praciahnuŭ znosiny ź miascovymi fiermierami.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary