Kanhres ładzić konkurs studenckich prac (bakałaŭrskich, mahistarskich, tvorčych)! Da 25 krasavika 2019 pravodzicca zbor naminacyj na Premiju Mižnarodnaha Kanhresa daśledčykaŭ Biełarusi za najlepšuju studenckuju pracu, abaronienuju ŭ 2016/2017 i 2017/2018 pa biełaruskaj tematycy.
Zadača premii — adznačyć dasiahnieńni biełaruskich studentaŭ u sacyjalnych i humanitarnych navukach, padtrymać ich tvorčuju i daśledčuju aktyŭnaść, a taksama paspryjać palapšeńniu jakaści studenckich piśmovych prac.
Zaklikajem aŭtaraŭ, a taksama ich navukovych kiraŭnikoŭ naminavać najlepšyja studenckija pracy i takim čynam paspryjać vyznačeńniu lepšych studenckich dasiahnieńniaŭ u sacyjalnych i humanitarnych navukach.
Naminacyi: lepšaja mahistarskaja praca, lepšaja bakałaŭrskaja praca, lepšaja tvorčaja praca.
Vyłučyć na premiju možna luboje daśledavańnie, abaronienaje ŭ biełaruskaj VNU ci ŭ Jeŭrapiejskim humanitarnym univiersitecie. Dla hetaha treba dasłać pracu na adras [email protected] da 25 krasavika 2019.
Rašeńnie pra nadańnie premii prymajecca na asnovie zaklučeńnia ekśpiertnych rad, jakija składajucca ź biełaruskich i zamiežnych navukoŭcaŭ. Detalovaje apisańnie praviłaŭ i patrabavańniaŭ hł. tut.
Uračystaje nadańnie premii adbudziecca 28 vieraśnia 2019 padčas VIII Mižnarodnaha Kanhresa daśledčykaŭ Biełarusi ŭ Vilni (Litva). Detali buduć abvieščanyja paźniej.
Kamientary