Pryjechaŭ u Minsk i čutki paćvierdzilisia: čechi na samaj spravie chacieli kupić u nas hulniu. Dziejańni hałoŭnaha treniera Siarhieja Baroŭskaha mianie tady ŭrazili. Jon sabraŭ nas u pakoi, skazaŭ: «Vyrašajcie sami» — i vyjšaŭ.
Adzin z najlepšych biełaruskich futbalistaŭ 90‑ych Siarhiej Hierasimiec, jaki ciapier źjaŭlajecca druhim trenieram picierskaha «Dynama» (D3), daŭ intervju haziecie «Priessboł». Siarod inšaha Hierasimiec vykazaŭsia i pra damoŭlenyja matčy zbornaj.
«U biełaruskaj zbornaj u hetym płanie vielmi kiepskaja reputacyja. Ja nie razumieju čamu ŭsie nakinulisia na Šantałosava. Čamu nichto nie ŭspaminaje hulniu z Ukrainaj u 2001 hodzie? Valera ž tady nie stajaŭ na varotach. Tady ŭ nas byli cudoŭny šancy na druhoje miesca. A što ja ŭbačyŭ na poli? Ja byŭ prosta aplavany. Čamu nichto nie ŭspaminaje nastupny matč z Uelsam na vyjeździe? Jon nikomu padazronym nie zdaŭsia?» — kaža były hulec zbornaj.
Potym Hierasimiec raskazaŭ pra vypadak užo z dalokaha 1995 hodu, kali naša kamanda hulała ŭ adnoj adboračnaj hrupie da čempijanatu Jeŭropy z čechami. Supiernikami vielmi patrabavalisia punkty.
«Pryjechaŭ u Minsk i čutki paćvierdzilisia: čechi na samaj spravie chacieli kupić u nas hulniu. Dziejańni hałoŭnaha treniera Siarhieja Baroŭskaha mianie tady ŭrazili. Jon sabraŭ nas u pakoi, skazaŭ: «Vyrašajcie sami» — i vyjšaŭ. A što było vyrašać? My nie za hrošy ŭ zbornuju pryjazdžali. My vyjšli i syhrali. Prajhrali, praŭda, ale ŭ česnaj baraćbie», — kaža S.Hierasimiec.
Nahadajem, što jašče ŭ 2005 hodzie Hienieralnaja prakuratura Biełarusi raspačała kryminalnuju spravu pa artykułu 253 KK «Podkup udzielnikaŭ prafiesijnych spartovych spabornictvaŭ». Pačałosia śledstva adnosna dvuch matčaŭ zbornaj, syhranych ŭ vieraśni 2003 hodu, suprać Čechii i Małdovy.
Była zaviedzienaja kryminalnaja sprava suprać byłoha varatara nacyjanalnaj kamandy Valerja Šantałosava, jaki admaŭlaŭsia viartacca ŭ Biełarusi, tamu dakumienty byli pieradadzienyja ŭ Rasiju. Sprava «kratoŭ» była spynienaja śledčym upraŭleńniem UUS Navasibirsku, za vychadam terminu daŭniny.
Cikava, kolki jašče padobnych matčaŭ było ŭ historyi našaj zbornaj?
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR2
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary