«Try hady jon zamiest mianie na karoŭnik adchadziŭ, dziciatka ty majo»: pra novaha ministra sielskaj haspadarki raskazvaje jaho mama

Alaksandr Łukašenka 2 krasavika pryznačyŭ ministram sielskaj haspadarki 44-hadovaha Anatola Chaćko. Cikava, što novy ministr skončyŭ tuju samuju viaskovuju škołu, što i jahony papiarednik Leanid Zajac. Vučylisia jany ŭ Hacuku Słuckaha rajona. Tolki Chaćko na 15 hadoŭ maładziejšy za svajho papiarednika.

U vioscy Buda-Hreskaja, što ŭ šaści kiłamietrach ad Hacuka, praciahvajuć žyć baćki ministra. Ała Ivanaŭna Chaćko raskazała nam pra svajho syna i jahonaje dziacinstva.

Pavialičyć

«Ja pracavała na karoŭniku dajarkaj. A Tolik vučyŭsia ŭ škole. Dyk ja ad jahonaha vośmaha kłasa viečaram užo nie chadziła na karoŭnik, ja ž z pałkaj. Jon pryjdzie sa škoły, sumku pakładzie cieraz paroh, pajeść, jašče padłohu mnie pamyje, drovaŭ nanosić — i na karoŭnik. Pryjdzie z karoŭnika, siadaje za ŭroki. Takija try hady ŭ jaho byli: vośmy, dziaviaty, dziasiaty kłasy.

Potym jon pastupiŭ u Sielskahaspadarčuju akademiju, u Horki tudy. A z Horak jon užo pajšoŭ zaatechnikam rabić u Kapylski rajon. Adtul pad Minsk — u Krupicy. Potym u Barysaŭskim rajvykankamie byŭ adkaznym za žyviołahadoŭlu. Adtul pajšoŭ u Minsk hienieralnym dyrektaram pa kambikarmach. A z apošniaj raboty jon i pajšoŭ u ministry.

U nas tut vioska nievialikaja. Jon pieršyja kłasy mo try chadziŭ u pačatkovuju škołu ŭ Budzie, a paśla jedziŭ aŭtobusam u Hacuk. Ciapier užo dziaciej, napeŭna, i niama, chacia ja na siało nie chadžu. Vioska pamiraje, maładyja jeduć žyć u harady.

U nas troje dziaciej. Dačka pracuje na kompleksie ŭ Viežach, na cialatach. Taksama razumnica jana, na došcy honaru visić tam. A starejšy syn usio žyćcio ŭ Salihorsku šafioram pracuje, jak z armii pryjšoŭ, tak i pracuje šafioram.

U jaho nijakich zaniatkaŭ nie było, majo ty dziciatka, tolki praca i ničoha aproč pracy. U jaho nie vychodziła nijakich zaniatkaŭ zavieści. To harod kapać doma, to parnik, to na fiermu. I ŭsio, na bolšaje času nie było.

Haspadar moj jašče žyvy. Jon to karovaŭ paśviŭ, to padvozčykam pracavaŭ, a ja — dajarkaj. Anatol Mikałajevič usio žyćcio pa žyviołahadoŭli. Kali b jon i nie byŭ ministram, kaho nie spytaj u našaj vioscy, ci z kim vučyŭsia, usie tolki dobraje pra jaho skažuć.

Pryjazdžaje damoŭ, a jak ža ž. Ja ž invalid pieršaj hrupy. I baćku dźvie apieracyi na nahach zrabili. Mnie 74 hady, a baćku — 79. 55 hadoŭ razam žyviom. Rabili nam dzieci załatoje viasielle, a ŭ hetuju vosień abiacajuć znoŭ zrabić.

U mianie ŭ subotu byŭ dzień naradžeńnia, jon pryjazdžaŭ. Dumaju, što jon znaŭ užo, što pryznačać. Jaho niešta mučała skazać, ale tak i nie skazaŭ.

Nie znaju, ci padsobiŭ jaho Zajac. Znaju Zajca, kaniečnie. Dobry pracaŭnik, vielmi navat. Bačyła ŭčora pa televizary, što jaho pryznačyli ŭ Mahiloŭskuju vobłaść. Jon pracavaŭ u nas bryhadziram, ahranomam, staršynioj kałhasa. Zajac pa stupieńkach išoŭ, jon da ludziej dobra staviŭsia. Kali pracavaŭ dyrektaram ptuškafabryki «Dziaržynskaj», to adkryŭ u Hacuku mahazin. Usie ludzi jeździać tudy pa śviežuju kuracinu.

Unuki jość. Unučka zamužam u Minsku, advučyłasia na architektara ŭ instytucie. Dziesiać hadoŭ vučyłasia: čatyry ŭ kaledžy, šeść — va ŭniviersitecie. Heta daččyna. U Anatola adna dačka — 13 hadoŭ joj. Kvatera ŭ ich jość u Minsku».

***

Anatol Chaćko naradziŭsia ŭ 1974 h. ŭ v. Buda-Hreskaja Słuckaha rajona. U 1996 hodzie skončyŭ Biełaruskuju sielskahaspadarčuju akademiju, u 2006-m — Akademiju kiravańnia.

U 2005—2006 hadach źjaŭlaŭsia hałoŭnym zaatechnikam «Biełplemžyŭabjadnańnie». U 2006-2007 hadach pracavaŭ na pasadzie namieśnika hienieralnaha dyrektara AAT «Minskabłchlebpradukt», a ŭ 2007—2015 hadach — hiendyrektaram hetaha AAT. Z 2015 pa 2016 hod byŭ namieśnikam hiendyrektara Biełaruskaha dziaržabjadnańnia pa plemiannoj žyviołahadoŭli «Biełplemžyŭabjadnańnie», a z 2016 hoda — hienieralnym dyrektaram.

• 0
• 0
• 0
• 0
• 0
• 0
• 0
• 0